Theodór Elmar fékk kjaftshögg - myndband

Theodór Elmar Bjarnason, leikmaður IFK Gautaborgar í Svíþjóð, fékk þungt kjafsthögg í leik sinna manna gegn Elfsborg í gær.

Dómari leiksins tók að vísu ekki eftir atvikinu og fékk því Andreas Augustsson, leikmaður Elfsborg, að hanga inn á vellinum þrátt fyrir að hafa slegið Elmar nánast í rot.

Svo fór að Elfsborg vann leikinn, 3-2, en David Elm skoraði sigurmark leiksins á 90. mínútu. Theodór Elmar lék allan leikinn.

Elfsborg er í öðru sæti deildarinnar emð 45 stig, þremur á eftir toppliði Helsinborg. IFK er í sjöunda sætinu með 30 stig.