Nýr iPad á markað næsta sumar

Apple verksmiðjurnar vinna nú að næstu útgáfu af iPad, sem verður bæði hraðvirkari og með langlífari rafhlöðu en fyrri kynslóðir. Þetta er vegna nýs örgjörva sem verður í nýju gerðinni. Búist er við því að nýja kynslóðin af iPad komi á markaðinn næsta sumar.

Greint var frá því á dögunum að stór hluti íhluta í þær vörur sem Apple þróar væri framleiddur af Samsung. Á sama tíma er Apple í málaferlum við Samsung og sakar fyrrnefnda fyrirtækið hið síðarnefnda um að stela hugmyndum frá sér. Samsung framleiddi meðal annars örgjörvann í fyrri tvær kynslóðirnar af iPad, en nú mun tævanska fyrirtækið Taiwan Semiconductor Manufacturing sjá um framleiðsluna.