Raul: Ég er ekkert á leiðinni frá Shalke

Framherjinn Raul, leikmaður Shalke, segir við þýska fjölmiðla að hann sé ekki á leiðinni frá félaginu, en orðrómur hefur verið á kreiki þess efnis að Spánverjinn sé á leiðinni í ensku úrvalsdeildina.

Shalke neitaði tilboði frá Blackburn í leikmanninn og nú hefur Raul einnig stigið fram og þvertekið fyrir það að hann sé á leiðinni frá klúbbnum.

„Ég á heima hjá Shalke," segir í yfirlýsingu frá Raul á vefsíðu félagsins.

„Aðdáendur Shalke hafa verið ótrúlegir alveg frá því að ég kom til félagsins og ég mun aldrei gleyma því, ég verð án efa áfram hjá Shalke og klára samning minn við félagið".