Dustin Johnson ekki fúll út í Tiger

Dustin Johnson segist alls ekkert vera fúll út í Tiger Woods þó svo Tiger hafi stolið af honum kylfusveininum, Joe LaCava.

"Ég ræddi málið við Tiger og það er allt í góðu á milli okkar. Við áttum flott spjall og hann gerði bara það sem hann þurfti að gera," sagði Johnson.

"Ég er hrifinn af Joe en ég er ekki reiður út í hann fyrir þessa ákvörðun sína. Honum var boðið spennandi starf sem hann ákvað að taka. Þetta er í góðu mín vegna."