Umfjöllun og viðtöl: Valur – Stjarnan 35-28 Kolbeinn Tumi Daðason í Vodafone-höllinni skrifar 8. febrúar 2012 14:53 Mynd/Vilhelm Valskonur eru komnar í úrslit Eimskipsbikars kvenna í handbolta eftir öruggan sigur á Stjörnunni, 35-28. Valskonur höfðu töluverða yfirburði í leiknum og var sigurinn aldrei í hættu. Liðið mætir ÍBV í úrslitum þann 25. febrúar næstkomandi. Stjörnustúlkur skoruðu fyrsta mark leiksins en eftir það tóku Valsstúlkur völdin. Þær jóku muninn jafnt og þétt allan fyrri hálfleikinn og leiddu með sex mörkum að honum loknum, 16-10. Valskonur spiluðu grimma vörn sem Stjörnustúlkur áttu í miklum vandræðum með. Með vörninni kemur markvarslan en Jenný tók 13 bolta í fyrri hálfleik á meðan Kristín varði aðeins fjögur skot enda Valskonur að skjóta úr mun opnari færum. Einnig munaði um minna þegar Jóna Margrét Ragnarsdóttir þurfti að yfirgefa völlinn seint í fyrri hálfleik þegar hún meiddist á hendi. Jóna hafði dregið vagninn í sókninni hjá Garðbæingum ásamt Rut Steinsen. Garðbæingar minnkuðu muninn í fjögur mörk, 18-14, snemma í síðari hálfleik en komust aldrei nær heimakonum. Þær héldu öruggu forskoti sínu og tryggðu sér sjö marka sigur 35-28. Góð samvinna varnar og markvörslu Valskvenna í fyrri hálfleik lagði grunninn að sigri heimakvenna. Stjörnustúlkur áttu í vandræðum með að skora og sex marka munur í hálfleik reyndist of stór biti að brúa. Síðari hálfleikur var mun opnari en sá fyrri og lítið um góðan varnarleik. Valskonur héldu Garðbæingum þó alltaf í hæfilegri fjarlægð. Rut Steinsen dró vagninn í sókninni hjá Stjörnunni en miklu munaði um fjarveru Jónu Margrétar stóran hluta leiksins. Þá gekk Sólveig Lára Kjærnested ekki heil til skógar og meiddist auk þess um miðjan síðari hálfleikinn. Valskonur því komnar í bikarúrslitaleikinn þriðja árið í röð þar sem mótherjarnir verða Eyjakonur. Valskonur freista þess að vinna bikarinn í fyrsta sinn síðan árið 2000. Leikurinn fer fram þann 25. febrúar. Hrafnhildur Skúla: Erum orðnar mjög sólgnar í þennan bikarHrafnhildur Skúladóttir skoraði átta mörk gegn Stjörnunni í kvöld og tók undir með blaðamanni að sigurinn hefði aldrei verið í hættu. „Þær voru svo sem óheppnar að missa Jónu (Margréti Ragnarsdóttur) út, hún er stór hluti af þessu liði. Við vitum að við erum með betra lið en megum samt ekki fara niður á hælana. Það gildir um mörg lið í þessari deild. En þetta gekk vel hjá okkur í dag," sagði Hrafnhildur sem sagði Valskonur orðnar vanar því að vera líklegri aðilinn fyrirfram í leikjum sínum. „Við verðum auðvitað drullufúlar þegar við spilum illa og erum ekkert að nenna því. Við verðum að fá sem mest út úr leikunum og vera tilbúnar þegar erfiðu leikirnir koma. Stjarnan hefði alveg unnið okkur hefðum við verið á hælunum. Við vissum það alveg og mættum tilbúnar." Valskonur mæta ÍBV í úrslitaleiknum þann 25. febrúar. „Það verður eflaust mjög skemmtilegur leikur. Þær hafa styrkt sitt lið gríðarlega og eru með fjóra útlendinga sem eru mjög sprækir og sprækar íslenskar stelpur með. Þær eru með hörkulið og verður pottþétt hörkuleikur," sagði Hrafnhildur en það er orðið langt síðan Valskonur unnu bikarinn. „Það eru tólf ár síðan þannig að þessa bikars hefur verið saknað lengi. Ég ætla aldrei að lofa neinu en ég alveg sagt þér það að við erum orðnar mjög sólgnar í þennan bikar svo við munum pottþétt gera okkar besta." Rut Steinsen: Fáum alltaf mark í andlitið„Þetta er svekkjandi. Ótrúlega léleg vörn í seinni hálfleik varð okkur að falli. Loksins þegar við vorum farnar að skora mörk fáum við alltaf mark í andlitið í hverri einustu sókn," sagði Rut Steinsen sem var atkvæðamest í sóknarleik gestanna. Hún sagði andann í klefanum í leikslok afar þungan. „Í fyrri hálfleik vorum við að klikka á dauðafærum en svo gekk betur að skora í þeim seinni. En við fengum alltaf mark í bakið. Þetta fellur á því," sagði Rut. Rut segir hóp Valskvenna breiðan með góðan mann í hverri stöðu og frábæra markverði. „Ef við ætlum að vinna þær þurfa allar að eiga sinn besta dag. Við missum auðvitað Jónu (Margréti Ragnarsdóttur) snemma af velli í fyrri hálfleik og Solla (Sólveig Lára Kjærnested) er búin að vera með flensuna þ.a. við áttum ekki allar okkar besta dag. Því fór sem fór. Þær voru einfaldlega betri," sagði Rut. Stjarnan mætir HK í N1-deildinni á laugardaginn. Handbolti Mest lesið Bein útsending: Bakgarðshlaupið í Heiðmörk Sport Veðmál systkina til lykta leitt: „Veit að ég mun aldrei tapa fyrir honum“ Sport Iðrast gjörða sinna: „Var klárlega rangt af mér“ Íslenski boltinn Sló 24 ára gamalt met Kára Steins, aftur Sport Í beinni: KA - Víkingur | Á sama tíma að ári Íslenski boltinn Bað börnin sín afsökunar á dánarbeðinum Fótbolti Pössuðu að leikmenn Fulham væru aldrei einar með Al Fayed Enski boltinn UEFA sé að missa þolinmæðina gagnvart Íslandi Íslenski boltinn Stöðvuðu bardaga Valgerðar Sport Díaz með tvö og Liverpool tyllti sér á toppinn Enski boltinn Fleiri fréttir Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Uppgjörið: Fram - Haukar 27-26 | Heimakonur unnu æsispennandi leik Sjá meira
Valskonur eru komnar í úrslit Eimskipsbikars kvenna í handbolta eftir öruggan sigur á Stjörnunni, 35-28. Valskonur höfðu töluverða yfirburði í leiknum og var sigurinn aldrei í hættu. Liðið mætir ÍBV í úrslitum þann 25. febrúar næstkomandi. Stjörnustúlkur skoruðu fyrsta mark leiksins en eftir það tóku Valsstúlkur völdin. Þær jóku muninn jafnt og þétt allan fyrri hálfleikinn og leiddu með sex mörkum að honum loknum, 16-10. Valskonur spiluðu grimma vörn sem Stjörnustúlkur áttu í miklum vandræðum með. Með vörninni kemur markvarslan en Jenný tók 13 bolta í fyrri hálfleik á meðan Kristín varði aðeins fjögur skot enda Valskonur að skjóta úr mun opnari færum. Einnig munaði um minna þegar Jóna Margrét Ragnarsdóttir þurfti að yfirgefa völlinn seint í fyrri hálfleik þegar hún meiddist á hendi. Jóna hafði dregið vagninn í sókninni hjá Garðbæingum ásamt Rut Steinsen. Garðbæingar minnkuðu muninn í fjögur mörk, 18-14, snemma í síðari hálfleik en komust aldrei nær heimakonum. Þær héldu öruggu forskoti sínu og tryggðu sér sjö marka sigur 35-28. Góð samvinna varnar og markvörslu Valskvenna í fyrri hálfleik lagði grunninn að sigri heimakvenna. Stjörnustúlkur áttu í vandræðum með að skora og sex marka munur í hálfleik reyndist of stór biti að brúa. Síðari hálfleikur var mun opnari en sá fyrri og lítið um góðan varnarleik. Valskonur héldu Garðbæingum þó alltaf í hæfilegri fjarlægð. Rut Steinsen dró vagninn í sókninni hjá Stjörnunni en miklu munaði um fjarveru Jónu Margrétar stóran hluta leiksins. Þá gekk Sólveig Lára Kjærnested ekki heil til skógar og meiddist auk þess um miðjan síðari hálfleikinn. Valskonur því komnar í bikarúrslitaleikinn þriðja árið í röð þar sem mótherjarnir verða Eyjakonur. Valskonur freista þess að vinna bikarinn í fyrsta sinn síðan árið 2000. Leikurinn fer fram þann 25. febrúar. Hrafnhildur Skúla: Erum orðnar mjög sólgnar í þennan bikarHrafnhildur Skúladóttir skoraði átta mörk gegn Stjörnunni í kvöld og tók undir með blaðamanni að sigurinn hefði aldrei verið í hættu. „Þær voru svo sem óheppnar að missa Jónu (Margréti Ragnarsdóttur) út, hún er stór hluti af þessu liði. Við vitum að við erum með betra lið en megum samt ekki fara niður á hælana. Það gildir um mörg lið í þessari deild. En þetta gekk vel hjá okkur í dag," sagði Hrafnhildur sem sagði Valskonur orðnar vanar því að vera líklegri aðilinn fyrirfram í leikjum sínum. „Við verðum auðvitað drullufúlar þegar við spilum illa og erum ekkert að nenna því. Við verðum að fá sem mest út úr leikunum og vera tilbúnar þegar erfiðu leikirnir koma. Stjarnan hefði alveg unnið okkur hefðum við verið á hælunum. Við vissum það alveg og mættum tilbúnar." Valskonur mæta ÍBV í úrslitaleiknum þann 25. febrúar. „Það verður eflaust mjög skemmtilegur leikur. Þær hafa styrkt sitt lið gríðarlega og eru með fjóra útlendinga sem eru mjög sprækir og sprækar íslenskar stelpur með. Þær eru með hörkulið og verður pottþétt hörkuleikur," sagði Hrafnhildur en það er orðið langt síðan Valskonur unnu bikarinn. „Það eru tólf ár síðan þannig að þessa bikars hefur verið saknað lengi. Ég ætla aldrei að lofa neinu en ég alveg sagt þér það að við erum orðnar mjög sólgnar í þennan bikar svo við munum pottþétt gera okkar besta." Rut Steinsen: Fáum alltaf mark í andlitið„Þetta er svekkjandi. Ótrúlega léleg vörn í seinni hálfleik varð okkur að falli. Loksins þegar við vorum farnar að skora mörk fáum við alltaf mark í andlitið í hverri einustu sókn," sagði Rut Steinsen sem var atkvæðamest í sóknarleik gestanna. Hún sagði andann í klefanum í leikslok afar þungan. „Í fyrri hálfleik vorum við að klikka á dauðafærum en svo gekk betur að skora í þeim seinni. En við fengum alltaf mark í bakið. Þetta fellur á því," sagði Rut. Rut segir hóp Valskvenna breiðan með góðan mann í hverri stöðu og frábæra markverði. „Ef við ætlum að vinna þær þurfa allar að eiga sinn besta dag. Við missum auðvitað Jónu (Margréti Ragnarsdóttur) snemma af velli í fyrri hálfleik og Solla (Sólveig Lára Kjærnested) er búin að vera með flensuna þ.a. við áttum ekki allar okkar besta dag. Því fór sem fór. Þær voru einfaldlega betri," sagði Rut. Stjarnan mætir HK í N1-deildinni á laugardaginn.
Handbolti Mest lesið Bein útsending: Bakgarðshlaupið í Heiðmörk Sport Veðmál systkina til lykta leitt: „Veit að ég mun aldrei tapa fyrir honum“ Sport Iðrast gjörða sinna: „Var klárlega rangt af mér“ Íslenski boltinn Sló 24 ára gamalt met Kára Steins, aftur Sport Í beinni: KA - Víkingur | Á sama tíma að ári Íslenski boltinn Bað börnin sín afsökunar á dánarbeðinum Fótbolti Pössuðu að leikmenn Fulham væru aldrei einar með Al Fayed Enski boltinn UEFA sé að missa þolinmæðina gagnvart Íslandi Íslenski boltinn Stöðvuðu bardaga Valgerðar Sport Díaz með tvö og Liverpool tyllti sér á toppinn Enski boltinn Fleiri fréttir Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Uppgjörið: Fram - Haukar 27-26 | Heimakonur unnu æsispennandi leik Sjá meira