Mickelson heldur sínu striki | til alls líklegur á Masters

Phil Mickelson virðist vera í miklu stuði þessa dagana en bandaríski kylfingurinn er með fimm högga forskot eftir fyrsta keppnisdaginn á Northern Trust-meistaramótinu á PGA mótaröðinni í golfi. Mickelson fagnaði sigri á Pepple Beach s.l. sunnudag og er hann til alls líklegur fyrir fyrsta stórmót ársins, Mastersmótið á Augusta sem fram fer 5.-8. apríl.

Mickelson er á 5 höggum undir pari vallar eða 66 höggum og er hann með eitt högg í forskot. Ekki tókst að ljúka fyrsta keppnisdegi vegna myrkurs og um 30 kylfingar eiga enn eftir að ljúka leik. JB Holmes er á -4 en þetta fjórða mótið hjá bandaríska kylfingnum eftir æxli var fjarlægt úr höfði hans. Hunter Mahan er einnig á -4, Jonathan Byrd á -3 en þeir eru báðir bandarískir.

Carl Pettersson frá Svíþjóð er á -3.

Mickelson lék frábært golf á lokakeppnisdeginum á Pepple Beach s.l. sunnudag þar sem hann lék á -8 eða 64 höggum. Hann var 11 höggum betri en Tiger Woods sem var í lokaráshópnum en Tiger lék lokahringinn á 75 höggum.