Raul er á förum frá Schalke

Hinn 34 ára gamli spænski framherji, Raul, hefur ákveðið að leika ekki með Schalke í Þýskalandi á næstu leiktíð. Raul hefur leikið með Schalke undanfarin tvö ár eftir að hann fór frá Real Madrid á Spáni. Samningur hans rennur út í lok leiktíðar og ætlar Raul að finna sér nýja vinnuveitendur í sumar.

Forráðamenn Schalke buðu Raul eins árs samning en hann vildi semja til lengri tíma. Á þessari leiktíð hefur Raul skorað 14 mörk fyrir Schalke sem er í þriðja sæti deildarinnar. Raul lék með Real Madrid á árunum 1994-2010.