Enn skorar Heiðar Geir | Davíð Þór lék í sigurleik Öster

Heiðar Geir Júlíusson heldur áfram að koma boltanum í netið með Ängelholm í sænsku b-deildinni. Heiðar Geir skoraði eitt marka liðsins í 3-2 sigri á Varbergs í dag.

Þetta var fjórða mark Heiðars Geirs í þremur leikjum með sænska liðinu en hann virðist hafa unnið sér fast sæti í byrjunarliðinu. Með sigrinum styrkti liðið stöðu sína í fjórða sæti deildarinnar.

Davíð Þór Viðarsson spilaði allan leikinn á miðjunni með Öster í 2-0 sigrinum á Degerfors. Östers er langefst í deildinni með tíu stiga forskot á næsta lið.