Þór lagði Hauka | Chijindu á skotskónum

Chukwudi Chijindu og Sigurður Marinó Kristjánsson skoruðu mörk Þórs sem sigruðu Hauka í 1. deild karla en leikið var á Þórsvelli.

Bandaríkjamaðurinn Chijindu, sem gekk til liðs við Þórsara um mánaðarmótin, kom Þór á bragðið með marki á 32. mínútu.

Magnús Björgvinsson jafnaði metin á 52. mínútu. Það var svo Sigurður Marinó sem skoraði sigurmarkið á 60. mínútu og tryggði norðanmönnum stigin þrjú.

Með sigrinum komst Þór upp í 4. sæti deildarinnar. Liðið hefur 20 stig en á tvo leiki til góða á flest lið deildarinnar.

Haukar urðu af stigum í toppbaráttu deildarinnar. Þeir sitja í 3. sæti deildarinnar með 23. stig.



Stöðuna í deildinni má sjá hér. Upplýsingar um úrslit og markaskorara frá Úrslit.net.