Andri Þór lék fyrri níu á Kiðjabergi á 3 höggum undir pari

Andri Þór Björnsson úr GR hefur verið að leika best á fyrsta hring í karlaflokki á stigamóti GSÍ, sem hófst á Kiðjabergsvelli í morgun. Hann lék fyrri níu á 3 höggum undir pari - var með fimm fugla og tvo skolla. Reiknað er með að fyrsta hring ljúki um klukkan þrjú í dag. Veðrið hefur leikið við keppendur og Kiðjabergsvöllur skartar sínu fegursta.

Ólafía Þórunn Kristinsdóttir úr GR hefur leikið best í kvennaflokki það sem af er – var á einu höggi undir pari eftir 9 holur, en hún var 2 undir eftir aðeins 3 holur. Guðrún Brá Björgvinsdóttir úr GK er að parinu eftir fyrri níu.

Einar Haukur Óskarsson úr GK og Arnar Snær Hákonarson úr GR voru á tveimur höggum undir pari eftir 11 holur og Ólafur Björn Loftsson úr NK lék fyrri níu í dag á einu höggi undir pari . Þeir Alfreð Brynjar Kristinsson úr GKG og Sigurþór Jónsson úr GOS voru á parinu eftir 9 holur.

Hlynur Geir Hjartarson úr GOS og Gísli Þór Þóðarsson úr GR voru á parinu eftir 11 holur.

Hægt er að fylgjast með skori keppenda á www.golf.is og er skorið uppfært á þriggja holna fresti.