Kristin Ýr skoraði fimm mörk og Hólmfríður var með þrjú í stórsigri Avaldsnes

Kristín Ýr Bjarnadóttir og Hólmfríður Magnúsdóttir skoruðu átta af níu mörkum Avaldsnes í dag í 9-1 stórsigri á Kongsvinger í norsku b-deildinni. Kristín Ýr skoraði fimm markanna.

Hólmfríður skoraði tvö fyrstu mörk Avaldsnes í leiknum og var búin að innsigla þrennu sína eftir hálftíma leik.

Kristín Ýr skoraði þriðja mark Avaldsnes og setti síðan þrjú mörk á níu mínútna kafla í kringum hálfleikinn. Fimmta mark Kristínar kom síðan þrettán mínútum fyrir leikslok.

Hólmfríður hefur nú skorað 22 mörk í 16 leikjum en Kristín Ýr er með 20 mörk í 16 leikjum. Þetta var tíundu leikurinn í sumar þar sem þær eru báðar á skotskónum.