Benitez: Þetta var verðskuldaður sigur

Chelsea er komið með annan fótinn í úrslit Evrópudeildar UEFA eftir 1-2 útisigur gegn Basel í Sviss í kvöld.

"Mér fannst þetta vera verðskuldaður sigur. Við vorum að spila gegn mjög góðu liði. Við fengum fullt af færum til að klára leikinn en vítið sem þeir fengu hefði getað breytt miklu," sagði Rafa Benitez, stjóri Chelsea, eftir leikinn.

"Þessi vítaspyrnudómur var vafasamur og engum í kringum mig fannst þetta vera víti. Þetta var furðuleg ákvörðun hjá dómaranum.

"Það er alltaf mikilvægt að vinna. Útivallarmark er líka mikilvægt og að skora tvö slík er frábært. Ég er stoltur af liðinu því það stóðu sig allir vel í kvöld."