Umfjöllun, viðtöl og myndir: Fram - Stjarnan 20-21 Henry Birgir Gunnarsson skrifar 25. apríl 2013 13:15 Stjarnan fagnar. Mynd/Daníel Stjarnan er komin með 1-0 forskot í rimmunni gegn Fram í úrslitum N1-deildar kvenna. Stjarnan stal fyrsta leiknum í Safamýrinni í dag. Leikurinn var jafn og dramatískur. Bæði lið mættu vel stemmd til leiks. Spiluðu grimma vörn og sóknarleikur beggja liða í basli strax frá upphafi. Eftir því sem leið á hálfleikinn náðu Fram-stúlkur frumkvæðinu og Stjarnan náði ekki að skora í heilar 13 mínútur. Fram nýtti sér það ekki nægilega vel og Stjarnan kom til baka og jafnaði. Mistök beggja liða voru fjölmörg í hálfleiknum og leikurinn hreinlega illa spilaður af beggja hálfu. Leikurinn þó í járnum og munaði einu marki í leikhléi, 11-10. Sama spenna hélt áfram í síðari hálfleik. Stjarnan þó að elta en í stöðunni 17-14 snéru þær leiknum sér í hag. Skoruðu fimm mörk í röð og náðu tveggja marka forskoti, 17-19. Þá tók Fram leikhlé. Það skilaði sínu því Fram skoraði næstu tvö mörk og jafnaði leikinn. Lokakaflinn var því æsispennandi. Jóna Margrét kom Stjörnunni yfir með frábæru skoti er 20 sekúndur voru eftir af leiknum. Fram tók leikhlé til að kortleggja lokasóknina. Hún gekk ekki upp og Elísabet tók neyðarskot úr aukakasti er sekúnda var eftir. Það var varið og Stjarnan fagnaði. Elísabet annars best í Fram-liðinu og Sunna einnig drjúg. Jóna Margrét aftur hetja Stjörnunnar og Sunneva varði oft á tíðum frábærlega. Jóna Margrét: Verður einhver að vera hetjanÞað fer að verða daglegt brauð hjá Jónu Margréti Ragnarsdóttur að vera hetja Stjörnunnar. Hún skaut liðinu í úrslitin og skoraði svo sigurmarkið í dag með frábæru skoti. "Það þarf einhver að taka það að sér að vera hetjan," sagði Jóna Margrét og hló við. "Þetta hefur bara spilast svona. Ég var að hitta í dag þannig að það var kannski bara ágætt að ég tók af skarið núna." Jóna Margrét átti heilt yfir flottan leik en hún vildi sem minnst gera úr eigin frammistöðu. "Ég er bara í frábæru liði. Ég get ekki skorað nema félagar mínir spili mig uppi og dragi í sig menn. Ég er heppin að vera í frábæru liði." Það var lengi vel mikið basl á sóknarleiknum hjá Stjörnunni en í stöðunni 17-14 snéru þær leiknum sér í hag. "Þá förum við að mæta almennilega á boltann. Við vorum búnar að vera mjög staðar fram að því. Við fengum líka Esther í gang sem var geðveikt mikilvægt." Stjarnan steig stórt skref í átt að titlinum í dag. Búin að stela útileik en Jóna er alveg róleg. "Við erum litla liðið í þessari rimmu þannig að það er engin pressa á okkur. Þessi umræða um heimaleikjaréttin er samt svo mikið bull. Þetta er bara spurning um dagsform," sagði Jóna og hrósaði svo fjölskyldu sinni fyrir góða mætingu. "Það var öll ættin hérna. Þetta var eins og á ættarmóti. Ég átti svona 300 manns í stúkunni." Halldór: Stella fékk ekki næga verndHalldór Jóhann Sigfússon, þjálfari Fram, var þungur á brún eftir leikinn. "Við gefum eftir undir lokin og fáum á okkur allt of ódýr mörk. Við hefðum átt að nýta meðbyrinn og klára leikinn. Þetta var svo jafn leikur og þær voru heppnari en við í lokin," sagði Halldór. Halldór var mjög óhress með dómarana í síðari hálfleik og hvæsti nokkrum sinnum á þá. Var hann mjög ósáttur við þeirra framlag? "Ég ætla ekkert að tjá mig um þá. Það er eðlilegt að það sé aðeins líf í leiknum. Hver sá sem horfði á leikinn verður að dæma um það sjálfur," sagði Halldór. Stella Sigurðardóttir fékk óblíðar móttökur frá varnarmönnum Stjörnunnar. Hvað fannst Halldóri um þá meðferð sem hún fékk? "Þetta er eðlileg meðferð en ég er ósáttur við að Stjörnunni hafi ekki verið refsað meira fyrir þessi brot. Ég var ekki ánægður með þá vernd sem hún fékk en ég ætla ekkert að væla yfir því hvernig það var. Við töpuðum þessu samt ekki á dómgæslunni. Það er alveg klárt."Jóna var frábær í dag.Mynd/DaníelÞað var tekið hraustlega á Stellu í dag.Mynd/Daníel Olís-deild kvenna Mest lesið Bein útsending: Bakgarðshlaupið í Heiðmörk Sport Veðmál systkina til lykta leitt: „Veit að ég mun aldrei tapa fyrir honum“ Sport Iðrast gjörða sinna: „Var klárlega rangt af mér“ Íslenski boltinn Bað börnin sín afsökunar á dánarbeðinum Fótbolti Pössuðu að leikmenn Fulham væru aldrei einar með Al Fayed Enski boltinn UEFA sé að missa þolinmæðina gagnvart Íslandi Íslenski boltinn „Hún reif í mig og hraunaði yfir mig, á Marilegan hátt“ Sport Stöðvuðu bardaga Valgerðar Sport Segir að Rashford hafi tekið lífsstílinn í gegn Enski boltinn Ferguson saknar fótboltans Enski boltinn Fleiri fréttir Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Uppgjörið: Fram - Haukar 27-26 | Heimakonur unnu æsispennandi leik Sjá meira
Stjarnan er komin með 1-0 forskot í rimmunni gegn Fram í úrslitum N1-deildar kvenna. Stjarnan stal fyrsta leiknum í Safamýrinni í dag. Leikurinn var jafn og dramatískur. Bæði lið mættu vel stemmd til leiks. Spiluðu grimma vörn og sóknarleikur beggja liða í basli strax frá upphafi. Eftir því sem leið á hálfleikinn náðu Fram-stúlkur frumkvæðinu og Stjarnan náði ekki að skora í heilar 13 mínútur. Fram nýtti sér það ekki nægilega vel og Stjarnan kom til baka og jafnaði. Mistök beggja liða voru fjölmörg í hálfleiknum og leikurinn hreinlega illa spilaður af beggja hálfu. Leikurinn þó í járnum og munaði einu marki í leikhléi, 11-10. Sama spenna hélt áfram í síðari hálfleik. Stjarnan þó að elta en í stöðunni 17-14 snéru þær leiknum sér í hag. Skoruðu fimm mörk í röð og náðu tveggja marka forskoti, 17-19. Þá tók Fram leikhlé. Það skilaði sínu því Fram skoraði næstu tvö mörk og jafnaði leikinn. Lokakaflinn var því æsispennandi. Jóna Margrét kom Stjörnunni yfir með frábæru skoti er 20 sekúndur voru eftir af leiknum. Fram tók leikhlé til að kortleggja lokasóknina. Hún gekk ekki upp og Elísabet tók neyðarskot úr aukakasti er sekúnda var eftir. Það var varið og Stjarnan fagnaði. Elísabet annars best í Fram-liðinu og Sunna einnig drjúg. Jóna Margrét aftur hetja Stjörnunnar og Sunneva varði oft á tíðum frábærlega. Jóna Margrét: Verður einhver að vera hetjanÞað fer að verða daglegt brauð hjá Jónu Margréti Ragnarsdóttur að vera hetja Stjörnunnar. Hún skaut liðinu í úrslitin og skoraði svo sigurmarkið í dag með frábæru skoti. "Það þarf einhver að taka það að sér að vera hetjan," sagði Jóna Margrét og hló við. "Þetta hefur bara spilast svona. Ég var að hitta í dag þannig að það var kannski bara ágætt að ég tók af skarið núna." Jóna Margrét átti heilt yfir flottan leik en hún vildi sem minnst gera úr eigin frammistöðu. "Ég er bara í frábæru liði. Ég get ekki skorað nema félagar mínir spili mig uppi og dragi í sig menn. Ég er heppin að vera í frábæru liði." Það var lengi vel mikið basl á sóknarleiknum hjá Stjörnunni en í stöðunni 17-14 snéru þær leiknum sér í hag. "Þá förum við að mæta almennilega á boltann. Við vorum búnar að vera mjög staðar fram að því. Við fengum líka Esther í gang sem var geðveikt mikilvægt." Stjarnan steig stórt skref í átt að titlinum í dag. Búin að stela útileik en Jóna er alveg róleg. "Við erum litla liðið í þessari rimmu þannig að það er engin pressa á okkur. Þessi umræða um heimaleikjaréttin er samt svo mikið bull. Þetta er bara spurning um dagsform," sagði Jóna og hrósaði svo fjölskyldu sinni fyrir góða mætingu. "Það var öll ættin hérna. Þetta var eins og á ættarmóti. Ég átti svona 300 manns í stúkunni." Halldór: Stella fékk ekki næga verndHalldór Jóhann Sigfússon, þjálfari Fram, var þungur á brún eftir leikinn. "Við gefum eftir undir lokin og fáum á okkur allt of ódýr mörk. Við hefðum átt að nýta meðbyrinn og klára leikinn. Þetta var svo jafn leikur og þær voru heppnari en við í lokin," sagði Halldór. Halldór var mjög óhress með dómarana í síðari hálfleik og hvæsti nokkrum sinnum á þá. Var hann mjög ósáttur við þeirra framlag? "Ég ætla ekkert að tjá mig um þá. Það er eðlilegt að það sé aðeins líf í leiknum. Hver sá sem horfði á leikinn verður að dæma um það sjálfur," sagði Halldór. Stella Sigurðardóttir fékk óblíðar móttökur frá varnarmönnum Stjörnunnar. Hvað fannst Halldóri um þá meðferð sem hún fékk? "Þetta er eðlileg meðferð en ég er ósáttur við að Stjörnunni hafi ekki verið refsað meira fyrir þessi brot. Ég var ekki ánægður með þá vernd sem hún fékk en ég ætla ekkert að væla yfir því hvernig það var. Við töpuðum þessu samt ekki á dómgæslunni. Það er alveg klárt."Jóna var frábær í dag.Mynd/DaníelÞað var tekið hraustlega á Stellu í dag.Mynd/Daníel
Olís-deild kvenna Mest lesið Bein útsending: Bakgarðshlaupið í Heiðmörk Sport Veðmál systkina til lykta leitt: „Veit að ég mun aldrei tapa fyrir honum“ Sport Iðrast gjörða sinna: „Var klárlega rangt af mér“ Íslenski boltinn Bað börnin sín afsökunar á dánarbeðinum Fótbolti Pössuðu að leikmenn Fulham væru aldrei einar með Al Fayed Enski boltinn UEFA sé að missa þolinmæðina gagnvart Íslandi Íslenski boltinn „Hún reif í mig og hraunaði yfir mig, á Marilegan hátt“ Sport Stöðvuðu bardaga Valgerðar Sport Segir að Rashford hafi tekið lífsstílinn í gegn Enski boltinn Ferguson saknar fótboltans Enski boltinn Fleiri fréttir Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Uppgjörið: Fram - Haukar 27-26 | Heimakonur unnu æsispennandi leik Sjá meira