Mark Gunnars dugði ekki til sigurs

Gunnar Heiðar Þorvaldsson skorað fyrir Norrköping í sænsku úrvalsdeildinni í kvöld er liðið tapaði gegn Syrianska, 3-1.

Norrköping missti mann af velli með rautt spjald skömmu eftir að Gunnar Heiðar jafnaði leikinn á 31. mínútu. Manni færri réðu leikmenn Norrköping ekki við Syrianska.

Helgi Valur Daníelsson var í byrjunarliði AIK og lék allan leikinn er liðið vann fínan útisigur, 1-2, gegn Gefle.

Arnór Smárason var í byrjunarliði Esbjerg og lék 71 mínútu er liðið tapaði, 0-1, gegn Midtjylland í dönsku úrvalsdeildinni.