Handboltadómari með Superman-tattú

Bjarni Viggósson er einn af okkar reyndustu handboltadómurum og hann var á ferðinni í gærkvöldi á leik Hauka og Kristiansund í Hafnarfjarðarmótinu.

Margir áhorfendur ráku augun í áhugavert tattú sem Bjarni skartaði. Það er ekki af ódýrari gerðinni heldur er þar um að ræða sjálft Superman-merkið.

Hvort það gefi Bjarna einhverja ofurkrafta í dómgæslunni verður ekki fullyrt um hér en það skaðar samt líklega ekki.

Haukar unnu annars norska liðið með fimm marka mun, 25-20, og FH lagði Val, 25-24, í hinum leik gærdagsins í mótinu.

Mótið klárast í dag en þá mætast FH og Haukar en Valur spilar við lærisveina Jónatans Magnússonar í Kristiansund.