Rautt á Ragnar í jafntefli

Ragnar Sigurðsson fékk reisupassann í 1-1 jafntefli FC Kaupmannahafnar gegn Esbjerg í dönsku úrvalsdeildinni í knattspyrnu í dag.

Gestirnir komust yfir á 19. mínútu og ekki bætti úr skák þegar Ragnar fauk af velli á 77. mínútu. Varamaðurinn Cesar Santin tryggði heimamönnum eitt stig á Parken með parki fimm mínútum fyrir leikslok.

Rúrik Gíslason kom inn á sem varamaður á 63. mínútu leiksins. FCK hefur byrjað leiktíðina skelfilega. Liðið hefur sjö stig í 10. sæti í tólf liða deild eftir átta umferðir.

Danskur fjölmiðlamaður hrósaði Ragnari eftir leik. Sagði hann hafa viðurkennt mistök sín í rauða spjaldinu, beðið liðsfélaga afsökunar og verið fyrstur til að gefa sig á tal við blaðamenn í leikslok.

Kan sgu godt lide Ragnar Sigurdsson. Dummer sig, får rødt kort, siger undskyld til holdet og er første mand i mixed zone... #sldk#mandfolk

— Andreas Kraul (@KraulDR) September 14, 2013

Indriði Sigurðsson var í byrjunarliði Viking og Jón Daði Böðvarsson kom inn á sem varamaður í fyrri hálfleik í 1-1 jafntefli á útivelli gegn Haugesund. Andrés Már Jóhannesson var ekki í leikmannahópi Haugesund.