Líst ágætlega á skuldaaðgerðir

Þorsteinn Víglundsson, framkvæmdastjóri Samtaka atvinnulífsins, segir að margt í skuldaaðgerðum ríkisstjórnarinnar líti ágætlega út.

„Áhrif á verðlagsstöðugleika er minni en við óttuðumst og að því leyti líst okkur ágætlega á þetta. Þetta mun ekki raska áformum um efnahagslegan stöðugleika. Það er hins vegar ljóst að þetta mun leiða af sér minni viðskiptaafgang heldur en ella og það eitt og sér getur veikt forsendur varðandi afnám hafta. Þar þarf ríkisstjórnin að grípa til mótvægisaðgerða,“ segir Þorsteinn.