Kalli Berndsen flytur Beauty barinn í Kringluna

Beauty Barinn, sem áður var í Höfðatúni, hefur nú flutt á þriðju hæð Kringlunnar, beint fyrir ofan Kaffitár og Hagkaup. "Þessi nýja staðsetning hentar starfseminni fullkomlega. Hér eru næg bílastæði og aðgengi fyrir viðskiptavini frábært. Fyrir utan hve hentugt það er að geta sameinað þjónustuna öðrum erindagjörðum fólks,“ segir Karl Berndsen, eða Kalli eins og hann er kallaður, ánægður með nýja Beauty Barinn í Kringlunni. Aukin þjónusta á nýjum stað Aðstaðan í Kringlunni gerir það að verkum að Kalli getur nú sinnt útlitsráðgjöfinni betur en áður. "Ég get nú hæglega sameinað alla mína þjónustu og boðið viðskiptavinum ráðgjöf við fataval í verslunum Kringlunnar, auk þess að farða þá og klippa. Beauty Barinn er líka opinn á laugardögum sem hentar mörgum óneitanlega mjög vel.“ Það er því einstaklega hentugt að nýta sérþekkingu Kalla og þjónustuna á Beauty Barnum til að lífga upp á útlitið. Bæði hvað snertir hár, förðun, neglur og föt. "Hér er allt til staðar sem gerir gott útlit enn þá betra.“ Virt fagfólk á Beauty Barnum Ásamt Kalla starfar hópur af reynslumiklu, virtu og fjölhæfu fagfólki á sviði nagla, hárs og förðunar á Beauty Barnum. Sigmundur "Simbi“ Sigurðsson, Steinunn Ósk Brynjarsdóttir, Tanja Dagbjört Sigurðardóttir og Jón M. Ágústsson Berndsen eru öll reynsluboltar. Þar af eru tveir sérfræðingar í airbrush- förðunartækninni sem er mjög vinsæl í dag.

Víðtæk reynsla um allan heim Karl lauk meistaraprófi í hárgreiðslu á Íslandi en hélt að námi loknu til Bretlands þar sem hann lærði förðunarfræði. Í framhaldinu starfaði hann í tólf ár erlendis sem hárgreiðslumeistari og förðunarfræðingur fyrir nokkur af helstu tískutímaritum heims, þar á meðal Vogue og Cosmopolitan. "Á þessum árum vann ég mikið fyrir stór nöfn í bransanum, bæði tímarit og við tískusýningar hjá helstu fatahönnuðum heimsins. Þar að auki kom ég að vinnu við tónlistarmyndbönd og fleira tengt fyrirsætu- og kvikmyndabransanum.“ Ný þáttaröð í mars Frá árinu 2008 hefur Karl verið með vinsæla sjónvarpsþætti og útlitsráðgjöf. Í fyrstu var hann með þáttinn "Nýtt útlit“ á Skjá einum en flutti sig svo um set. "Í fyrra fór ég yfir á Stöð 2 með þáttinn "Í nýju ljósi“. Það er einmitt verið að fara af stað með nýja þáttaröð af þeim þætti nú í mars,“ segir Kalli fullur tilhlökkunar.

Naglabar/ hraðþjónusta Víða erlendis tíðkast að fólk fái svokallaða hraðþjónustu í þjölun og lökkun á nöglum. "Við á Beauty Barnum erum ekki neinir eftirbátar og ætlum því að bjóða fólki upp á það að droppa hér við og fá flottar neglur með litlum fyrirvara.“ Nails Inc Nails Inc er einstaklega vandað handsnyrtivörumerki og þekkt um allan heim. "Hjá okkur er hægt að fá alla línuna frá Nails Inc en þetta eru ótrúlega flott og vönduð naglalökk. Það allra nýjasta á markaðnum er til dæmis naglalakk með leðuráferð. Þá seljum við einnig frábær augnhár frá Get lashed svo dæmi séu nefnd.“ Hágæða hárvörur Hárvörurnar á Beauty Barnum eru gæðavörur sem flestir ættu að kannast við. "Við bjóðum viðskiptavinum okkar aðeins bestu fáanlegu hárvörurnar á markaðnum. Redken, Label M, HH Simonsen, sem eru með krullujárn, hárblásara og bursta, Ghd-styling, Moroccanoil og Batiste-þurrsjampóið vinsæla.“