Pálmi á skotskónum fyrir Lillestrøm

Þremur leikjum til viðbótar er lokið í norsku úrvalsdeildinni.

Pálmi Rafn Pálmason skoraði fyrra mark Lillestrøm í 2-0 sigri liðsins á Sogndal og lagði upp það síðara fyrir ErlingKnudtzon. Hjörtur Logi Valgarðsson var í byrjunarliði Sogndal en fór af velli á 65. mínútu.

Fredrik Gulbrandsen og Per Egil Flo skoruðu mörk Molde í 2-0 útisigri á Rosenborg. Björn Bergmann Sigurðarsson var ekki í leikmannahópi Molde.

Þá vann Strømsgodset Bodø/Glimt á heimavelli með tveimur mörkum gegn engu. Iver Fossum og Mounir Hamoud skoruðu mörk Strømsgodset.

Nú stendur yfir leikur Start og Brann. Staðan í hálfleik er 1-0, Start í vil.

Fyrr í dag vann Sarpsborg Sandnes Ulf með tveimur mörkum gegn einu og Álasund lagði Haugesund með sömu markatölu.

Úrslitin í sænsku úrvalsdeildinni í dag:

Åtvidabergs 1-1 Djurgården

Malmö 1-2 Häcken

Kalmar 2-0 Örebro

IFK Göteborg 0-0 Elfsborg (Hjálmar Jónsson sat allan tímann á bekknum hjá Göteborg)