Guðmundur skoraði sigurmark í sjö marka leik

Guðmundur Þórarinsson var hetja sinna manna í Sarpsborg 08 er hann tryggði liðinu sínu 4-3 sigur á Bodö/Glimt.

Guðmundur skoraði marki á 85. mínútu leiksins eftir en Bodö/Glimt hafði komist þrívegis yfir í leiknum og var með 3-2 forystu þegar tíu mínútur voru eftir.

Þetta var hans annað mark í deildinni í sumar en hann hefur lagt upp eitt þar að auki. Guðmundur hefur verið fastamaður í liði Sarpsborg og byrjað alla sautján deildarleiki félagsins.

Guðmundur Kristjánsson og Mattthías Vilhjálmsson voru báðir í liði Start sem steinlá fyrir Haugesund á útivelli, 5-1. Þá var Björn Bergmann Sigurðarson ekki í hópi Molde sem vann Rosneborg, 3-1.

Hjörtur Logi Valgarðsson spilaði allan leikinn fyrir Sogndal sem tapaði fyrir Odd á heimavelli, 3-1.

Molde er á toppi deildarinnar með 42 stig en Strömsgodset er í öðru sæti með 33 stig. Sarpsborg er í áttunda sæti með 24 stig, Start í níunda með 21 stig og Sogndal í því tíunda með nítján stig.