Markalaust hjá lærisveinum Ólafs Kristjánssonar

Nordsjælland gerði markalaust jafntefli við Randers í dönsku úrvalsdeildinni í fótbolta í dag en lærisveinar Ólafs Kristjánssonar höfðu unnið þrjá leiki í röð í deildinni fyrir leikinn.

Thedór Elmar Bjarnason lék allan leikinn fyrir Randers sem er í þriðja sæti deildarinnar með 18 stig, tveimur stigum á eftir Nordsjælland sem er í öðru sæti, fjórum stigum frá toppnum.

Hallgrímur Jónasson lék allan leikinn fyrir SönderjyskE sem gerði 1-1 jafntefli við Vestsjælland á útivelli.

Vestsjælland er í 8. sæti með stigi meira en SönderjyskE sem er í sætinu fyrir neðan.

Í Svíþjóð var Kristinn Steindórsson í byrjunarliði Halmstad sem tapaði 3-1 á heimavelli fyrir Åtvidaberg. Kristni var skipta af leikvelli á 66. mínútu og Guðjón Baldvinsson kom inn á sem varamaður fyrir Halmstad á 57. mínútu.

Arnór Yngvi Traustason lék fyrstu 86. mínúturnar fyrir Norrköping sem vann óvæntan 3-0 sigur á IFK Gautaborg á heimavelli. Hjálmar Örn Jónsson sat allan leikinn á bekknum hjá Gautaborg.