Bale líkir norður Lundúnaslagnum við baráttuna um Madrid

Gareth Bale segir leiki Tottenham og Arsenal í ensku úrvalsdeildinni í fótbolta vera jafn stóra og leiki Real Madrid og Atletico Madrid í spænska boltanum.

Bale yfirgaf Tottenham fyrir Real Madrid og hefur upplifað báða þessa nágranaslagi.

Tottenham tekur á móti Arsenal í hádegisleik enska boltans á Sport 2 klukkan 12:45 og skömmu eftir að honum líkur byrjar leikur Atletico og Real Madrid eða klukkan 15 á Stöð 2 Sport.

„Í hreinskilni sagt met ég þessa leiki jafnt,“ sagði Bale við fjölmiðla.

„Þetta eru bæði ótrúlegir nágranaslagir að leika í. Stuðningsmenn eru ástríðufullir á báðum leikjunum sem og liðin.

„Þetta eru bæði stórir leikir og ég hef augljóslega verið það heppinn að hafa tekið þátt í báðum,“ sagði Bale.