Stuðningsmenn ISIS börðu þrjá hermenn til dauða

Hundruð stuðningsmanna Íslamska ríkisins börðu þrjá hermenn til bana í nýju myndbandi sem samtökin hafa birt. Eftir það voru lík þeirra bundin við mótorhjól dregin um götur borgarinnar Raqqa, sem er höfuðvígi ISIS í Sýrlandi.

Á vef DailyMail segir að myndbandið beri öll kennimerki framleiðsludeildar ISIS, sem framleitt hefur hundruð áróðursmyndbanda.

Hermennina þrjá má sjá þar sem þeir voru á hnjánum í miðri þvögu fólks. Börn reyndu að sjá þá með því að klifra upp á veggi og á axlir feðra sinna. Klerkur las upp ákærur gegn hermönnunum áður en þvögunni var sigað á þá. Fjöldi fólks kýldi þá, sparkaði í þá og lamdi með nærliggjandi hlutum þar til þeir dóu.

Þá bundu vopnaðir menn lík hermannanna við mótórhjól og drógu þá um götur Raqqa.