Stofnendur Snapchat þeir yngstu á Forbes listanum

Evan Spiegel og Bobby Murphy, stofnendur Snapchat, er þeir yngstu á lista Forbes yfir ríkustu menn heims. Samanlagður auður þeirra er metinn á 3 milljarða dollara, tæplega 400 milljarða íslenska króna.

Spiegel sem er 24 ára stofnaði Snachat með hinum 25 ára gamla Murphy árið 2011. Fyrirtækið var metið á 10 milljarða dollara árið 2014 en talið er að þeim hafi verið boðið að selja fyrirtækið á tvöfalda þá upphæð eða 19 milljarða dollara.

Spiegel og Murphy kynntust í Stanford háskólanum. Spiegel lærði vöruhönnun og var tveimur árum á eftir Murphy í námi en hann lærði stærðfærði. Þeir gáfu upphaflega út forrit sem hægt var að senda myndir í tíu sekúndur sem svo hurfu undir nafninu Picaboo. Fyrirtækinu gekk ekki nægjanlega vel en haustið 2011 gáfu þeir út sambærilegt forrit undir nafninu Snapchat. Síðan þá hefur forritið slegið í gegn og er með yfir 100 milljón notendur.