Helsingborg vann sinn fyrsta leik | Örebro enn án sigurs

Guðlaugur Victor Pálsson lék allan leikinn fyrir Helsingsborg sem vann 1-2 sigur á Halmstads í sænsku úrvalsdeildinni í fótbolta í dag.

Anton Wede kom Helsingsborg yfir eftir 21 mínútur og Mattias Lindström tvöfaldaði forskotið á 72. mínútu. Junes Barny minnkaði muninn á 84. mínútu en nær komst Halmstads ekki.

Helsingsborg er í 3. sæti deildarinnar með fimm stig eftir þrjá leiki.

Eiður Aron Sigurbjörnsson og Hjörtur Logi Valgarðsson léku báðir allan leikinn í vörn Örebro sem laut í gras fyrir Falkenbergs.

Adam Eriksson kom Falkenbergs yfir á 25. mínútu og Johannes Vall gulltryggði svo sigurinn í uppbótartíma.

Örebro er með eitt stig eftir þrjá leiki í deildinni.