Rooney ekki með gegn PSV | Ferðaðist ekki með liðinu

Wayne Rooney verður ekki með Manchester United í leik liðsins gegn PSV Eindhoven í fyrstu umferð Meistaradeildar Evrópu á þriðjudaginn en hann ferðaðist ekki með liðinu til Hollands í dag.

SkySports greinir frá þessu í dag en Rooney meiddist á æfingu hjá Manchester United fyrir helgina og missti fyrir vikið af stórleik Manchester United gegn Liverpool.

Var Marouane Fellaini í fremstu víglínu í hans stað en það kom ekki að sök því Manchester United vann leik liðanna 3-1 og komst Anthony Martial á blað í sínum fyrsta leik fyrir félagið.

Manchester United mætir PSV Eindhoven á Philips Stadion í Hollandi annað kvöld og er leikurinn í beinni útsendingu á Stöð 2 Sport 3 og Stöð 2 Sport 3 HD.

BREAKING: @WayneRooney ruled out of @ManUtd's @ChampionsLeague game at @PSV. #SSNHQ

— Sky Sports News HQ (@SkySportsNewsHQ) September 14, 2015