„Augað“ vekur lukku í Svíþjóð Eiríkur Stefán Ásgeirsson skrifar 7. október 2015 22:45 Ögmundur og Birkir Már samherjar eru samherjar, bæði hjá íslenska landsliðinu og Hammarby. Mynd/Guðmundur Svansson Ögmundur Kristinsson hefur gert það gott í sænsku úrvalsdeildinni að undanförnu og átti stóran þátt í því að liði hans, Hammarby, er öruggt með sæti sitt í sænsku úrvalsdeildinni þetta tímabilið. Ögmundur, sem er einhverra hluta vegna fékk viðurnefnið „augað“ á sig strax á fyrstu æfingu sinni, hélt hreinu í síðustu þremur leikjum liðsins fyrir landsleikjafríið. Hammarby fékk níu stig úr þeim leikjum og er í öruggri fjarlægð frá fallsvæðinu. Hann samdi við Hammarby í sumar og hefur verið aðalmarkvörður liðsins síðan hann fékk leikheimild um miðjan júlí. „Það tók smá tíma eins og gengur og gerist að venjast nýju félagi en það hefur verið góður stígandi í þessu og gengið vel,“ sagði Ögmundur í samtali við Vísi í dag. Hann tók vissa áhættu þegar hann ákvað semja við danska liðið Randers um mitt síðasta tímabil til skamms tíma. Það gekk eftir því í sumar fékk Hammarby hann án greiðslu og gerði hann að aðalmarkverði sínum. „Það virðist oft erfiðast fyrir okkur markverðina að taka þetta fyrsta skref - að komast út fyrir landsteinana. Ég ákvað að kýla á þetta í Danmörku sem reyndist gæfuskref. Það hjálpaði mér að komast áfram.“Ögmundur eftir að hann samdi við Hammarby.VísirÖgmundur þurfti að bíða í nokkrar vikur til að fá leikheimild í Svíþjóð en var svo settur inn í lið Hammarby við fyrsta tækifæri og hefur haldið sínu sæti síðan. „Ég var fenginn til liðsins til að vera markmaður númer eitt en það er samkeppni í þessu liði eins og öllum. Hinn markmaðurinn fékk nokkra leiki á meðan ég beið eftir leikheimild en ég fékk tækifærið strax,“ segir Ögmundur en Hammarby er sem stendur í níunda sæti deildarinnar þegar þrjár umferðir eru eftir. „Þetta fór kannski ekki nógu vel af stað hjá okkur en við höfum haldið hreinu í síðustu þremur leikjum og náðum að vinna þá alla. Með því tryggðum við að minnsta kosti sæti okkar í deildinni sem er gott.“ Hann segir að hann hafi fundið fyrir því hversu mikið hann hefur bætt sig á því rúma ári sem hann hefur verið í Danmörku og Svíþjóð. „Sjálfstraustið er betra og það er auðvitað frábært að vera í liði eins og Hammarby þar sem maður spilar fyrir framan 30 þúsund manns á hverjum heimaleik.“Gríðarlegt hatur á milli stuðningsmannanna Það eru ávallt gríðarlega mikil læti í kringum grannaslagi Hammarby og AIK en Stokkhólmarliðin áttust við um þarsíðustu helgi. Þurfti að gera tíu mínútna hlé á leiknum eftir að Erik Israelsson tryggði Hammarby sigur undir lok leiksins því stuðningsmenn trylltust. „Þetta var annar „derby-leikurinn“ minn og hálfgert bíó út af fyrir sig. Það er gríðarlega mikið hatur á milli liðanna en maður nær að kúpla sig úr því og hugsa bara um fótbolta. En það er alveg klárt að leikirnir skipta stuðningsmennina mjög miklu máli.“ Hann segist ekki kippa sér upp við það að standa „vitlausu“ megin á vellinum þrátt fyrir lætin í stuðningsmönnum AIK fyrir aftan sig. „Það er helst þegar maður gengur inn á völlinn að einhverju er grýtt í mann eða öskrað á mann. Sænskan er ágæt hjá mér en ekki orðin 100 prósent, sem er kannski ágætt,“ sagði hann og brosti.Ögmundur í leik með Fram sumarið 2014.VísirÁ dögunum bárust fregnir af því að Ögmundur hafi þurft að fresta brúðkaupi sínu eftir að Ísland tryggði sig á EM en hann vildi lítið gera úr því öllu saman. „Þetta var hálfgerð slúðurfréttamennska. Þetta er allt saman klappað og klárt fyrir brúðkaupið og var fyrir löngu,“ sagði markvörðurinn og hló.Sænsk handboltahetja gaf viðurnefnið Það tók ekki langan tíma fyrir Ögmund að fá sitt fyrsta viðurnefni í Svíþjóð en Claes Hellgren, styrktarþjálfari Hammarby og fyrrum landsliðsmaður Svíþjóðar í handbolta, á heiðurinn að því. „Ég veit ekki hvaðan þetta kemur. Hann byrjaði að kalla mig „ögat“ [augað] strax á minni fyrstu æfingu og það festist við mig. Strax í sömu viku var þetta komið í alla fréttamiðla úti.“ „Þetta skiptir mig svo sem litlu máli og ég veit ekki hvað þetta þýðir. Það er annar nýr leikmaður sem er kallaður mýflugan þannig að ég er bara ágætlega ánægður með augað. Það er skárra en mýfluga og ég vona bara að þetta sé hrós.“ EM 2016 í Frakklandi Fótbolti á Norðurlöndum Mest lesið Sammála Eiði pabba sínum um heimskupör Fótbolti McGregor í langt bann en gæti keppt í Hvíta húsinu Sport Lugu til um afa og ömmur sjö landsliðsmanna Fótbolti „Ef ég finn leikmann sem ég tel að bæti liðið þá tek ég hann“ Sport Uppgjörið: Keflavík - Hamar/Þór 102-89 | Fyrsti sigur Keflvíkinga í hús Körfubolti „Áttum okkur á því að við erum með skotmark á okkur“ Sport Uppgjörið: Valur - Njarðvík 77-80| Njarðvíkursigur í spennutrylli Körfubolti Aðdáendur pirraðir eftir „ákvörðun“ LeBron James Körfubolti Glódís gat ekki stöðvað slátrunina Fótbolti Gætu kvatt Bestu deildina án þjálfarans og lykilmanna Íslenski boltinn Fleiri fréttir Lugu til um afa og ömmur sjö landsliðsmanna Sammála Eiði pabba sínum um heimskupör Glódís gat ekki stöðvað slátrunina Gætu kvatt Bestu deildina án þjálfarans og lykilmanna „Maður verður bara að styðja við bakið á honum“ Annar fóstbróðir Messis lætur gott heita „Skoraði í fyrsta leik og hef ekki hætt síðan“ Raya að skrifa undir nýjan samning Haaland hefur skorað á öllum völlum nema einum Tíu milljóna punda kjarakaup Sölvi hæstánægður með Gylfa og vill sjá hann í landsliðinu Þorlákur verður áfram með Eyjamenn John Stones íhugaði að hætta í fótbolta Engar leynilegar viðræður í gangi um framtíð Meistaradeildarinnar Hvetur fólk til að skipta Gyökeres og Joao Pedro út ef þeir taka ekki vítin Hefur verið í liðinu eftir að ný leikstaða uppgötvaðist í Sambandsdeildinni „Enginn vissi hvað ég var að ganga í gegnum“ Er eitthvað óeðlilegt að búið sé að gagnrýna þetta Valslið? Metár hjá David Beckham Rooney gagnrýnir Mo Salah og vill færa hann til á vellinum „Mér finnst hún skipta sér af málum sem koma henni ekki við“ Bjargaði lífi mótherja í miðjum leik „Skil ekki hvernig má kýla einhvern í andlitið?“ Hafa fengið áttatíu prósent stiga í boði með Gunnar í byrjunarliðinu Uppgjörið: Valur - Stjarnan 1-3 | Stjarnan lyftir sér upp í fjórða Fótboltaiðkendur með fatlanir kíktu á landsliðsæfingu UEFA grætur niðurstöðuna en gefur grænt ljós Depay fastur í Brasilíu án vegabréfs Úsbekar leita í reynslu Cannavaro fyrir fyrsta HM „Þetta er enginn flugeldasýningar Íslandsmeistaratitill“ Sjá meira
Ögmundur Kristinsson hefur gert það gott í sænsku úrvalsdeildinni að undanförnu og átti stóran þátt í því að liði hans, Hammarby, er öruggt með sæti sitt í sænsku úrvalsdeildinni þetta tímabilið. Ögmundur, sem er einhverra hluta vegna fékk viðurnefnið „augað“ á sig strax á fyrstu æfingu sinni, hélt hreinu í síðustu þremur leikjum liðsins fyrir landsleikjafríið. Hammarby fékk níu stig úr þeim leikjum og er í öruggri fjarlægð frá fallsvæðinu. Hann samdi við Hammarby í sumar og hefur verið aðalmarkvörður liðsins síðan hann fékk leikheimild um miðjan júlí. „Það tók smá tíma eins og gengur og gerist að venjast nýju félagi en það hefur verið góður stígandi í þessu og gengið vel,“ sagði Ögmundur í samtali við Vísi í dag. Hann tók vissa áhættu þegar hann ákvað semja við danska liðið Randers um mitt síðasta tímabil til skamms tíma. Það gekk eftir því í sumar fékk Hammarby hann án greiðslu og gerði hann að aðalmarkverði sínum. „Það virðist oft erfiðast fyrir okkur markverðina að taka þetta fyrsta skref - að komast út fyrir landsteinana. Ég ákvað að kýla á þetta í Danmörku sem reyndist gæfuskref. Það hjálpaði mér að komast áfram.“Ögmundur eftir að hann samdi við Hammarby.VísirÖgmundur þurfti að bíða í nokkrar vikur til að fá leikheimild í Svíþjóð en var svo settur inn í lið Hammarby við fyrsta tækifæri og hefur haldið sínu sæti síðan. „Ég var fenginn til liðsins til að vera markmaður númer eitt en það er samkeppni í þessu liði eins og öllum. Hinn markmaðurinn fékk nokkra leiki á meðan ég beið eftir leikheimild en ég fékk tækifærið strax,“ segir Ögmundur en Hammarby er sem stendur í níunda sæti deildarinnar þegar þrjár umferðir eru eftir. „Þetta fór kannski ekki nógu vel af stað hjá okkur en við höfum haldið hreinu í síðustu þremur leikjum og náðum að vinna þá alla. Með því tryggðum við að minnsta kosti sæti okkar í deildinni sem er gott.“ Hann segir að hann hafi fundið fyrir því hversu mikið hann hefur bætt sig á því rúma ári sem hann hefur verið í Danmörku og Svíþjóð. „Sjálfstraustið er betra og það er auðvitað frábært að vera í liði eins og Hammarby þar sem maður spilar fyrir framan 30 þúsund manns á hverjum heimaleik.“Gríðarlegt hatur á milli stuðningsmannanna Það eru ávallt gríðarlega mikil læti í kringum grannaslagi Hammarby og AIK en Stokkhólmarliðin áttust við um þarsíðustu helgi. Þurfti að gera tíu mínútna hlé á leiknum eftir að Erik Israelsson tryggði Hammarby sigur undir lok leiksins því stuðningsmenn trylltust. „Þetta var annar „derby-leikurinn“ minn og hálfgert bíó út af fyrir sig. Það er gríðarlega mikið hatur á milli liðanna en maður nær að kúpla sig úr því og hugsa bara um fótbolta. En það er alveg klárt að leikirnir skipta stuðningsmennina mjög miklu máli.“ Hann segist ekki kippa sér upp við það að standa „vitlausu“ megin á vellinum þrátt fyrir lætin í stuðningsmönnum AIK fyrir aftan sig. „Það er helst þegar maður gengur inn á völlinn að einhverju er grýtt í mann eða öskrað á mann. Sænskan er ágæt hjá mér en ekki orðin 100 prósent, sem er kannski ágætt,“ sagði hann og brosti.Ögmundur í leik með Fram sumarið 2014.VísirÁ dögunum bárust fregnir af því að Ögmundur hafi þurft að fresta brúðkaupi sínu eftir að Ísland tryggði sig á EM en hann vildi lítið gera úr því öllu saman. „Þetta var hálfgerð slúðurfréttamennska. Þetta er allt saman klappað og klárt fyrir brúðkaupið og var fyrir löngu,“ sagði markvörðurinn og hló.Sænsk handboltahetja gaf viðurnefnið Það tók ekki langan tíma fyrir Ögmund að fá sitt fyrsta viðurnefni í Svíþjóð en Claes Hellgren, styrktarþjálfari Hammarby og fyrrum landsliðsmaður Svíþjóðar í handbolta, á heiðurinn að því. „Ég veit ekki hvaðan þetta kemur. Hann byrjaði að kalla mig „ögat“ [augað] strax á minni fyrstu æfingu og það festist við mig. Strax í sömu viku var þetta komið í alla fréttamiðla úti.“ „Þetta skiptir mig svo sem litlu máli og ég veit ekki hvað þetta þýðir. Það er annar nýr leikmaður sem er kallaður mýflugan þannig að ég er bara ágætlega ánægður með augað. Það er skárra en mýfluga og ég vona bara að þetta sé hrós.“
EM 2016 í Frakklandi Fótbolti á Norðurlöndum Mest lesið Sammála Eiði pabba sínum um heimskupör Fótbolti McGregor í langt bann en gæti keppt í Hvíta húsinu Sport Lugu til um afa og ömmur sjö landsliðsmanna Fótbolti „Ef ég finn leikmann sem ég tel að bæti liðið þá tek ég hann“ Sport Uppgjörið: Keflavík - Hamar/Þór 102-89 | Fyrsti sigur Keflvíkinga í hús Körfubolti „Áttum okkur á því að við erum með skotmark á okkur“ Sport Uppgjörið: Valur - Njarðvík 77-80| Njarðvíkursigur í spennutrylli Körfubolti Aðdáendur pirraðir eftir „ákvörðun“ LeBron James Körfubolti Glódís gat ekki stöðvað slátrunina Fótbolti Gætu kvatt Bestu deildina án þjálfarans og lykilmanna Íslenski boltinn Fleiri fréttir Lugu til um afa og ömmur sjö landsliðsmanna Sammála Eiði pabba sínum um heimskupör Glódís gat ekki stöðvað slátrunina Gætu kvatt Bestu deildina án þjálfarans og lykilmanna „Maður verður bara að styðja við bakið á honum“ Annar fóstbróðir Messis lætur gott heita „Skoraði í fyrsta leik og hef ekki hætt síðan“ Raya að skrifa undir nýjan samning Haaland hefur skorað á öllum völlum nema einum Tíu milljóna punda kjarakaup Sölvi hæstánægður með Gylfa og vill sjá hann í landsliðinu Þorlákur verður áfram með Eyjamenn John Stones íhugaði að hætta í fótbolta Engar leynilegar viðræður í gangi um framtíð Meistaradeildarinnar Hvetur fólk til að skipta Gyökeres og Joao Pedro út ef þeir taka ekki vítin Hefur verið í liðinu eftir að ný leikstaða uppgötvaðist í Sambandsdeildinni „Enginn vissi hvað ég var að ganga í gegnum“ Er eitthvað óeðlilegt að búið sé að gagnrýna þetta Valslið? Metár hjá David Beckham Rooney gagnrýnir Mo Salah og vill færa hann til á vellinum „Mér finnst hún skipta sér af málum sem koma henni ekki við“ Bjargaði lífi mótherja í miðjum leik „Skil ekki hvernig má kýla einhvern í andlitið?“ Hafa fengið áttatíu prósent stiga í boði með Gunnar í byrjunarliðinu Uppgjörið: Valur - Stjarnan 1-3 | Stjarnan lyftir sér upp í fjórða Fótboltaiðkendur með fatlanir kíktu á landsliðsæfingu UEFA grætur niðurstöðuna en gefur grænt ljós Depay fastur í Brasilíu án vegabréfs Úsbekar leita í reynslu Cannavaro fyrir fyrsta HM „Þetta er enginn flugeldasýningar Íslandsmeistaratitill“ Sjá meira