Stórsigur hjá Aroni og félögum

Aron Elís Þrándarson og félagar í Aalesund unnu góðan 1-4 útisigur á Stabæk í norsku úrvalsdeildinni í fótbolta í dag.

Aron var í byrjunarliði Aalesund en fór af velli á 80. mínútu. Daníel Leó Grétarsson var ekki leikmannahópi liðsins sem er í 10. sæti deildarinnar með 35 stig.

Í hinum leik dagsins bar botnlið Sandefjord sigurorð af Start, 4-1.

Guðmundur Kristjánsson var í byrjunarliði Start en var tekinn af velli á lokamínútu leiksins.

Start er í 13. sæti deildarinnar með 21 stig.