Strákarnir okkar í stuði í Dalnum | Myndir

Íslenska karlalandsliðið er að fara á kostum gegn Lettlandi í seinasta heimaleik liðsins í undankeppni EM 2016 sem fer fram í Laugardalnum þessa stundina en Ísland leiðir 2-0 í hálfleik.

Vilhelm Gunnarsson, ljósmyndari Fréttablaðsins og Vísis, er á vellinum og smellti þessum skemmtilegu myndum sem sjá má hér fyrir ofan sem og fyrir neðan.

Sjá einnig: Bein textalýsing frá leik Íslands og Lettlands í Laugardalnum.

Strákarnir okkar hafa þegar tryggt sæti sitt á lokakeppni EM með jafnteflinu gegn Kasakstan á dögunum en Ísland leikur í fyrsta sinn á lokakeppni stórmóts í karlaflokki næsta sumar.

Þrátt fyrir það er ekki að sjá neitt annað á leikmönnunum að þeir ætli að þakka íslensku stuðningsmönnunum með látum en Kolbeinn Sigþórsson kom Íslandi yfir eftir fimm mínútna leik.

Gylfi Þór Sigurðsson bætti við öðru marki Íslands á 27. mínútu eftir frábært einstaklingsframtak en óhætt er að segja að íslenska liðið hafi stýrt leiknum frá fyrstu mínútu. Hægt er að fylgjast með beinni lýsingu Vísis af vellinum hér.