Ekki unnið á Anfield í 14 ár

Liverpool vann 1-0 sigur í leik liðanna á síðustu leiktíð á Anfield, í ágúst í fyrra. Arsenal hefur ekki gengið vel á Anfield og hefur spilað 13 leiki í röð á vellinum án þess að fagna sigri.

Síðast vann Arsenal sigur á vellinum í september árið 2012.

Liðin höfðu gert þrjú jafntefli á Anfield í röð áður en Liverpool vann leik liðanna í ágúst í fyrra. Fyrir það hafði Liverpool unnið sex deildarsigra í röð gegn Skyttunum á Anfield milli 2017 og 2021.

Mikel Arteta, þjálfari Arsenal, hefur stýrt liðinu níu sinnum á Anfield í öllum keppnum. Hann hefur gert fjögur jafntefli og tapað fimm sinnum.

Arsenal vann Liverpool að vísu á Anfield undir hans stjórn í enska deildabikarnum í október 2020 eftir vítaspyrnukeppni. Þeim leik lauk 0-0 og Arsenal vann 5-4 í vítaspyrnukeppni.

Liverpool og Arsenal mætast klukkan 16:30 í dag og leikurinn er sýndur beint á Sýn Sport. Bein útsending hefst klukkan 16:00.