Birkir mætir liðsfélaga sínum á EM

Birkir Bjarnason, landsliðsmaður í fótbolta, mætir liðsfélaga sínum hjá Basel, Marc Janko, á EM 2016 í Frakklandi næsta sumar. Dregið var til riðlakeppninnar í dag eins og sjá má hér.

Þeir félagarnir virtust hafa verið að fylgjast með EM-drættinum í rútu, líklega á leið til Sion þar sem meistararnir eiga leik við heimamenn í svissnesku úrvalsdeildinni á morgun.

Sjá einnig:Þjóðin sátt á Twitter: „Draumariðill sem við vinnum“

Þeir félagarnir tóku af sér mynd sem Janko skellti á Twitter-síðu sína og skrifaði: „Hlakka til spila á móti vini mínum Birki!!!“

Marc Janko er mikill markahrókur, en hann er búinn að skora þrettán mörk í fjórtán leikjum fyrir Basel í úrvalseildinni í Sviss á þessu tímabili.

Þeir félagarnir mætast á Stade de France, þjóðarleikvangi Frakklands, í París þann 22. júní á næsta ári. Það verður lokaleikur riðilsins.

Looking forward to play against my friend Birkir!!! pic.twitter.com/gGiP0oGM9x

— Marc Janko (@JankoMarc) December 12, 2015