Írakski herinn sækir að Ramadi

Írakski herinn hefur hafið árás sína á borgina Ramadi sem hefur verið haldi vígmanna Íslamska ríkisins frá því í maí. Hermenn og vopnaðar sveitir hliðhollar stjórnvöldum í Bagdad taka þátt í aðgerðunum sem studdar eru af loftárásum Bandaríkjanna og fleiri ríkja.

Herinn dreifði á sunnudaginn miðum yfir borgina þar sem íbúar borgarinnar voru hvattir til að yfirgefa hana. Fregnir bárust af því að vígamenn hefðu komið í veg fyrir að íbúar gætu yfirgefið borgina og vildu þeir nota fólkið sem hlífðarskildi.

Fall borgarinnar í maí þótti mikil niðurlæging fyrir írakska herinn, en talið er að um tvö hundruð vígamenn hafi tekið borgina af um tíu sinnum fleiri hermönnum.

Hermennirnir eru sagðir þurfa að ganga frá sprengjum og gildrum, en þeir eru nú á leið að miðju borgarinnar.