Enn einn drengur notaður í aftökur ISIS

Hryðjuverkasamtökin Íslamskt ríki hafa birt enn eitt myndbandið þar sem barn er notað til að taka mann af lífi. Samtökin hafa notað börn til aftaka margsinnis. Yfirleitt eru drengirnir þó látnir skjóta fanga samtakanna, en þessi drengur sker fangann á háls.

Drengurinn er enskumælandi og hvatti hann Bandaríkin til að senda hermenn til Sýrlands. Hann sagði að hermenn ISIS myndu sigra þá eins og þeir sigruðu íraska herinn.

Maðurinn sem tekinn er af lífi var embættismaður frá yfirráðasvæði uppreisnarmanna norður af Aleppo. Hann var sakaður um að hafa ekki framfylgt sjaríalögum.