40 menn hafa verið dæmdir til dauða vegna fjöldamorða í Írak. Mennirnir eru sagðir hafa tekið þátt í morðum á allt að 1.700 hermönnum þegar Íslamska ríkið réðst inn í Írak 2014. Samtökin náðu herstöðinni Camp Speicher þar sem fjölmargir ungir sjítar voru sem höfðu nýlega gengið til liðs við herinn.
Margar fjöldagrafir hafa fundist á svæðinu en enn er ekki vitað með vissu hve marga vígamennirnir myrtu.
ISIS birtu myndir og myndbönd af fjöldamorðunum, þar sem sjá mátti unga menn grafa eigin grafir og jafnvel leggjast ofan í þær áður en þeir voru skotnir. Fjölmargir sjítar gengu til liðs við stjórnvöld í baráttunni við ISIS vegna myndbandanna.
Sjá einnig: Tóku fjölda hermanna af lífi
Samkvæmt frétt BBC var sjö mönnum sleppt vegna skorts á sönnunargögnum, en mannréttindasamtök hafa gagnrýnt málaferlin. Þetta er ekki í fyrsta sinn sem menn eru dæmdir til dauða fyrir þátttöku í fjöldamorðunum. 24 af mönnunum 47 voru að áfrýja dómi frá því í fyrra.
40 menn dæmdir til dauða vegna fjöldamorða
Samúel Karl Ólason skrifar

Mest lesið

Kjarasamningur kennara í höfn
Innlent

Engin röð á Læknavaktinni
Innlent






Reykjavík ekki ljót borg
Innlent

