Haukar rúlluðu yfir ÍR-inga

Deildarmeistarar Hauka unnu öruggan sigur á ÍR í Breiðholtinu í kvöld, 32-19, í næstsíðustu umferð Olís-deildar karla.

Haukar höfðu fimm marka forystu í hálfleik, 13-8, og sigldu öruggum sigri í höfn í síðari hálfleik.

Janus Daði Smárason skoraði átta mörk fyrir Hauka sem eru langefstir í deildinni með 45 stig. ÍR er næstneðst með sextán stig og var fallið fyrir leikinn í kvöld.

ÍR - Haukar 19-32 (8-13)

Mörk ÍR: Sturla Ásgeirsson 6, Aron Örn Ægisson 5, Sveinn Andri Sveinsson 5, Arnar Freyr Guðmundsson 2, Jón Kristinn Björgvinsson 1.

Mörk Hauka: Janus Daði Smárason 8, Hákon Daði Styrmisson 7, Brynjólfur Snær Brynjólfsson 6, Jón Þorbjörn Jóhannsson 3, Leonharð Þorgeir Harðarson 2, Þröstur Þráinsson 2, Elías Már Halldórsson 1, Heimir Óli Heimisson 1, Einar Pétur Pétursson 1, Grétar Ari Guðjónsson 1.