Fyrstir til að vinna toppliðið

Arnór Smárason lagði upp mark þegar Hammarby vann góðan 3-1 sigur á toppliði Djurgården í sænsku úrvalsdeildinni í kvöld.

Djurgården vann fyrstu þrjá leiki sína á tímabilinu og er enn í efsta sæti deildarinnar þrátt fyrir tapið í kvöld.

Staðan var 1-1 þegar Arnór lagði upp mark fyrir Brasilíumanninn Alex á 40. mínútu. Hammarby innsiglaði svo sigurinn með þriðja marki sínu á 63. mínútu.

Ögmundur Kristinsson var í marki Hammarby og þeir Birkir Már Sævarsson og Arnór spiluðu báðir allan leikinn fyrir liðið.