Hefja lokaáhlaup á ISIS-vígið Fallujah

Íraski herinn og vopnaðar sveitir sjíta hófu í dag lokaáhlaup á eitt helsta vígi ISIS í Írak, borgina Fallujah.

Hersveitirnar hafa með stuðningi loftárása Bandaríkjanna og annarra bandamanna þrengt að vígamönnum ISIS í nágrenni Fallujah undanfarna daga. Borgin er önnur tveggja stórra borga sem ISIS stjórnar í Írak.

Hingað til hafa bardagarnir á milli ISIS og íraska hersveita að mestu leyti farið fram í útjaðri borgarinnar en í dag hófu íraskar hersveitir að að sækja inn í borgina sjálfa.

Talið er líklegt að bardaginn um Fallujah muni taka sinn tíma en hersveitir Íraka sækja hægt fram svo lágmarka megi dauðsfall almennra borgara en um 50 þúsund almennir borgarar eru í Fallujah.

Borgin, sem er um 65 kílómetra vestur af Bagdag, höfuðborg landsins, er eitt af síðustu vígjum ISIS í vesturhluta Íraks.