Eyþóra: Gaman að Íslendingum finnist þeir eiga eitthvað í mér Óskar Ófeigur Jónsson skrifar 11. ágúst 2016 08:00 Eyþóra á Ólympíuleikunum. vísir/anton brink Íslenska fimleikastelpan Irina Sazonova hefur lokið keppni á Ólympíuleikunum í Ríó og skrifaði þar söguna með því að vera sú fyrsta sem keppir fyrir Ísland í fimleikakeppni leikanna. Það eru þó örugglega flestir sem líta svo á að við Íslendingar eigum einnig keppanda í kvöld þegar úrslitin fara fram í fjölþraut kvenna. Eyþóra Elísabet Þórsdóttir hélt upp á átján ára afmælið sitt í gær og í dag tekur hún risastórt skref á fimleikaferli sínum þegar hún keppir í úrslitum á móti öllum hinum bestu fimleikakonum heimsins. Það er ekki slæmt að halda upp á þetta tímamótaafmæli með annars konar tímamótum.Vísir/AntonKemur alltaf heim á jólunum Það er erfitt að halda því fram að Eyþóra Elísabet sé ekki íslensk þótt hún keppi fyrir Holland og hafi verið búsett þar alla tíð. Foreldrar hennar og skyldmenni eru öll Íslendingar, hún talar íslensku eins og hún hafi búið alla tíð á Íslandi og hún kemur oft „heim“ á jólunum eins og hún orðar það sjálf. Hún hefur hins vegar alist upp í hollenska fimleikageiranum og það er því ekkert skrítið að hún hafi valið að keppa fyrir Holland. Hollendingar eru líka heppnir að fá hana. Eyþóra Elísabet stóð sig frábærlega í undankeppninni og náði þar 8. sæti. Hún hreyfir sig eins og ballerína en allar hreyfingar og stökk eru mjög afslöppuð og áreynslulaus. Það er ekki hægt að sjá annað en að framtíð hennar sé mjög björt. „Auðvitað var mikið stress enda eru þetta Ólympíuleikarnir. Þetta er svo stórt og þegar ég var lítil stelpa þá langaði mig svo að komast á Ólympíuleikana. Það er því æðislegt að sjá drauminn sinn rætast,“ segir hún. Eyþóra Elísabet er í skýjunum yfir árangri sínum til þessa og það var gaman að sjá að hún leit á úrslitin sem gott tækifæri til að bæta fyrir það sem klikkaði. Það var sérstaklega eitt fall við lok frábærrar æfingar hennar á gólfi sem var hvað sárast. „Ég var vissulega svekkt en það má ekki láta þetta eyðileggja meira fyrir sér. Ég varð bara að einbeita mér að næstu grein sem var stökkið,“ segir Eyþóra.Vísir/AntonLiðið treystir á mig Gólfið og sláin voru samt aðeins til vandræða. Atvikið á gólfinu í úrslitunum og svo þegar hún datt á hökuna á slánni þremur dögum fyrir keppni. Hún reyndi að fela marið á hökunni með farða en það sást samt aðeins. Hún bætir úr því fyrir kvöldið. „Gólf og slá eru eiginlega best hjá mér. Það gekk svo rosalega vel í gólfæfingunni í undankeppninni þangað til í síðasta stökkinu. Það var svona „ahhh“,“ segir Eyþóra. Hún náði að klára síðustu greinina og tryggja bæði sig og hollenska liðið í úrslitin. „Liðið er líka að treysta á mig þannig að ég varð að halda áfram,“ segir hún. Styrkleiki og mikilvægi Eyþóru fyrir hollenska landsliðið sést líka í liðakeppninni. Þar var hún sú eina í hollenska liðinu sem keppti á öllum fjórum áhöldunum en aðeins þrjár af fimm keppa á hverju áhaldi. „Það er mjög fínt hjá mér að hafa verið efst í hollenska liðinu og ég er mjög ánægð með það.“Vísir/AntonFjölskyldan býr á Íslandi Það hefur ekki farið fram hjá Eyþóru að Íslendingar hafa áhuga á því sem hún er að gera hér úti á leikunum í Ríó. „Það er mjög gaman að vita af því að það sé verið að fylgjast með mér á Íslandi. Það er gott fyrir hjartað mitt að allir heima á Íslandi séu að fylgjast með,“ segir Eyþóra og það vekur strax athygli að hún notar orðið heima. „Allir í minni fjölskyldu eiga heima á Íslandi. Amma og allir eru að fylgjast með sem er mjög gaman,“ segir Eyþóra. Hún segir það hafa komið til greina að keppa fyrir Ísland en taldi það vera best í stöðunni fyrir sig að keppa sem Hollendingur. Íslendingar mega samt alveg eiga eitthvað í henni. „Það er mjög gaman að Íslendingum finnist þeir eiga eitthvað í mér. Það er gaman fyrir mig að fylgjast með því hvernig þið á Íslandi fylgist með mér,“ segir Eyþóra. Það er því í góðu lagi að kalla hana líka fimleikastjörnuna okkar og segja að það sé Íslendingur að keppa í úrslitum í fimleikakeppni ÓL í kvöld. Hún keppir bara fyrir Holland. Fimleikar Mest lesið Þorsteinn Roy fyrstur í mark annað árið í röð Sport Enginn sá tölvupóstinn frá UEFA Sport Lengri heimferð bíður KR-inga og Egill kallar eftir Akraborginni Íslenski boltinn Ekki pláss fyrir Rúnar í flugvélinni: „Ég fórnaði mér í þetta“ Íslenski boltinn Sigurvegarinn Þorsteinn: „Það má ekki á Íslandi“ Sport Þóra grætur í koddann ef Þorsteinn verður áfram með liðið Fótbolti Uppgjörið: Vestri í úrslit í fyrsta skipti Íslenski boltinn Uppgjör: FH - KA 5-0 | FH pakkaði KA saman Íslenski boltinn Mínútu þögn fyrir fyrsta leik Liverpool síðan Jota féll frá Enski boltinn „Síðasti leggurinn var helvíti þungur“ Sport Fleiri fréttir Fjögur lið sýnt LeBron áhuga NFL goðsögn féll frá um helgina Leikmannasamtökin fengu ekki að mæta á fund um velferð leikmanna Chelsea pakkaði PSG saman Heimir: „Svo höfum við skitið í deigið“ Liverpool heiðraði minningu Jota og vann sigur Sævar Atli skoraði er Brann vann toppslaginn Sinner fagnaði sigri á Wimbledon Leik lokið: England - Wales 6-1 | England flaug áfram Leik lokið: Frakkland - Holland 5-2 | Frakkar áfram með fullt hús Björn Daníel: Vonandi fæ ég tvo Múmínbolla Marcus Rashford neitar tilboði frá Sádí-Arabíu Fertugur Cazorla er hvergi nærri hættur Uppgjör: FH - KA 5-0 | FH pakkaði KA saman Endurkoman í þriðja leikhluta ekki nóg fyrir Ísland á U20 EuroBasket Mínútu þögn fyrir fyrsta leik Liverpool síðan Jota féll frá Lið Arons Einars fær liðsstyrk úr ensku úrvalsdeildinni Lengri heimferð bíður KR-inga og Egill kallar eftir Akraborginni „Við erum klárlega að fara í alvöru slagsmál“ Grealish líkast til á förum en elskar samt City „meira en allt“ Rio Ferdinand húðskammar Arsenal stuðningsmenn Fjarvera Gyökeres gera félagaskiptin hans „flóknari“ Messi slær enn eitt metið Það verða tónleikar í hálfleik á úrslitum HM félagsliða HM félagsliða „farsælasta keppni í heimi“ samkvæmt Infantino Dagskráin í dag: KA fer í Hafnarfjörðinn og golfið heldur áfram Enginn sá tölvupóstinn frá UEFA Konate gæti farið frítt frá Liverpool Elías Már skrifar undir hjá kínversku liði Hákon skoraði tvö í vináttuleik Sjá meira
Íslenska fimleikastelpan Irina Sazonova hefur lokið keppni á Ólympíuleikunum í Ríó og skrifaði þar söguna með því að vera sú fyrsta sem keppir fyrir Ísland í fimleikakeppni leikanna. Það eru þó örugglega flestir sem líta svo á að við Íslendingar eigum einnig keppanda í kvöld þegar úrslitin fara fram í fjölþraut kvenna. Eyþóra Elísabet Þórsdóttir hélt upp á átján ára afmælið sitt í gær og í dag tekur hún risastórt skref á fimleikaferli sínum þegar hún keppir í úrslitum á móti öllum hinum bestu fimleikakonum heimsins. Það er ekki slæmt að halda upp á þetta tímamótaafmæli með annars konar tímamótum.Vísir/AntonKemur alltaf heim á jólunum Það er erfitt að halda því fram að Eyþóra Elísabet sé ekki íslensk þótt hún keppi fyrir Holland og hafi verið búsett þar alla tíð. Foreldrar hennar og skyldmenni eru öll Íslendingar, hún talar íslensku eins og hún hafi búið alla tíð á Íslandi og hún kemur oft „heim“ á jólunum eins og hún orðar það sjálf. Hún hefur hins vegar alist upp í hollenska fimleikageiranum og það er því ekkert skrítið að hún hafi valið að keppa fyrir Holland. Hollendingar eru líka heppnir að fá hana. Eyþóra Elísabet stóð sig frábærlega í undankeppninni og náði þar 8. sæti. Hún hreyfir sig eins og ballerína en allar hreyfingar og stökk eru mjög afslöppuð og áreynslulaus. Það er ekki hægt að sjá annað en að framtíð hennar sé mjög björt. „Auðvitað var mikið stress enda eru þetta Ólympíuleikarnir. Þetta er svo stórt og þegar ég var lítil stelpa þá langaði mig svo að komast á Ólympíuleikana. Það er því æðislegt að sjá drauminn sinn rætast,“ segir hún. Eyþóra Elísabet er í skýjunum yfir árangri sínum til þessa og það var gaman að sjá að hún leit á úrslitin sem gott tækifæri til að bæta fyrir það sem klikkaði. Það var sérstaklega eitt fall við lok frábærrar æfingar hennar á gólfi sem var hvað sárast. „Ég var vissulega svekkt en það má ekki láta þetta eyðileggja meira fyrir sér. Ég varð bara að einbeita mér að næstu grein sem var stökkið,“ segir Eyþóra.Vísir/AntonLiðið treystir á mig Gólfið og sláin voru samt aðeins til vandræða. Atvikið á gólfinu í úrslitunum og svo þegar hún datt á hökuna á slánni þremur dögum fyrir keppni. Hún reyndi að fela marið á hökunni með farða en það sást samt aðeins. Hún bætir úr því fyrir kvöldið. „Gólf og slá eru eiginlega best hjá mér. Það gekk svo rosalega vel í gólfæfingunni í undankeppninni þangað til í síðasta stökkinu. Það var svona „ahhh“,“ segir Eyþóra. Hún náði að klára síðustu greinina og tryggja bæði sig og hollenska liðið í úrslitin. „Liðið er líka að treysta á mig þannig að ég varð að halda áfram,“ segir hún. Styrkleiki og mikilvægi Eyþóru fyrir hollenska landsliðið sést líka í liðakeppninni. Þar var hún sú eina í hollenska liðinu sem keppti á öllum fjórum áhöldunum en aðeins þrjár af fimm keppa á hverju áhaldi. „Það er mjög fínt hjá mér að hafa verið efst í hollenska liðinu og ég er mjög ánægð með það.“Vísir/AntonFjölskyldan býr á Íslandi Það hefur ekki farið fram hjá Eyþóru að Íslendingar hafa áhuga á því sem hún er að gera hér úti á leikunum í Ríó. „Það er mjög gaman að vita af því að það sé verið að fylgjast með mér á Íslandi. Það er gott fyrir hjartað mitt að allir heima á Íslandi séu að fylgjast með,“ segir Eyþóra og það vekur strax athygli að hún notar orðið heima. „Allir í minni fjölskyldu eiga heima á Íslandi. Amma og allir eru að fylgjast með sem er mjög gaman,“ segir Eyþóra. Hún segir það hafa komið til greina að keppa fyrir Ísland en taldi það vera best í stöðunni fyrir sig að keppa sem Hollendingur. Íslendingar mega samt alveg eiga eitthvað í henni. „Það er mjög gaman að Íslendingum finnist þeir eiga eitthvað í mér. Það er gaman fyrir mig að fylgjast með því hvernig þið á Íslandi fylgist með mér,“ segir Eyþóra. Það er því í góðu lagi að kalla hana líka fimleikastjörnuna okkar og segja að það sé Íslendingur að keppa í úrslitum í fimleikakeppni ÓL í kvöld. Hún keppir bara fyrir Holland.
Fimleikar Mest lesið Þorsteinn Roy fyrstur í mark annað árið í röð Sport Enginn sá tölvupóstinn frá UEFA Sport Lengri heimferð bíður KR-inga og Egill kallar eftir Akraborginni Íslenski boltinn Ekki pláss fyrir Rúnar í flugvélinni: „Ég fórnaði mér í þetta“ Íslenski boltinn Sigurvegarinn Þorsteinn: „Það má ekki á Íslandi“ Sport Þóra grætur í koddann ef Þorsteinn verður áfram með liðið Fótbolti Uppgjörið: Vestri í úrslit í fyrsta skipti Íslenski boltinn Uppgjör: FH - KA 5-0 | FH pakkaði KA saman Íslenski boltinn Mínútu þögn fyrir fyrsta leik Liverpool síðan Jota féll frá Enski boltinn „Síðasti leggurinn var helvíti þungur“ Sport Fleiri fréttir Fjögur lið sýnt LeBron áhuga NFL goðsögn féll frá um helgina Leikmannasamtökin fengu ekki að mæta á fund um velferð leikmanna Chelsea pakkaði PSG saman Heimir: „Svo höfum við skitið í deigið“ Liverpool heiðraði minningu Jota og vann sigur Sævar Atli skoraði er Brann vann toppslaginn Sinner fagnaði sigri á Wimbledon Leik lokið: England - Wales 6-1 | England flaug áfram Leik lokið: Frakkland - Holland 5-2 | Frakkar áfram með fullt hús Björn Daníel: Vonandi fæ ég tvo Múmínbolla Marcus Rashford neitar tilboði frá Sádí-Arabíu Fertugur Cazorla er hvergi nærri hættur Uppgjör: FH - KA 5-0 | FH pakkaði KA saman Endurkoman í þriðja leikhluta ekki nóg fyrir Ísland á U20 EuroBasket Mínútu þögn fyrir fyrsta leik Liverpool síðan Jota féll frá Lið Arons Einars fær liðsstyrk úr ensku úrvalsdeildinni Lengri heimferð bíður KR-inga og Egill kallar eftir Akraborginni „Við erum klárlega að fara í alvöru slagsmál“ Grealish líkast til á förum en elskar samt City „meira en allt“ Rio Ferdinand húðskammar Arsenal stuðningsmenn Fjarvera Gyökeres gera félagaskiptin hans „flóknari“ Messi slær enn eitt metið Það verða tónleikar í hálfleik á úrslitum HM félagsliða HM félagsliða „farsælasta keppni í heimi“ samkvæmt Infantino Dagskráin í dag: KA fer í Hafnarfjörðinn og golfið heldur áfram Enginn sá tölvupóstinn frá UEFA Konate gæti farið frítt frá Liverpool Elías Már skrifar undir hjá kínversku liði Hákon skoraði tvö í vináttuleik Sjá meira