Ólöf Nordal lögð inn á sjúkrahús

Ólöf Nordal innanríkisráðherra hefur verið lögð inn á sjúkrahús vegna lungnabólgu og sýkingar.

Hún greinir frá þessu á Facebook síðu sinni í kvöld þar sem hún segist þurfa að fara sér hægt næstu daga og vikur og þurfi því að fylgjast með kosningabaráttunni af hliðarlínunni. Ólöf er varaformaður Sjálfstæðisflokksins og skipar efsta sæti á lista hans í Reykjavík suður.

Greint var frá því í maí að Ólöf hefði lokið lyfjameðferð sem hún hóf í janúar. Í lok síðasta árs kom í ljós við reglubundið eftirlit hækkun á svokölluðum æxliskvíslum í blóði sem mæla framgang og stöðu krabbameins og var því nauðsynlegt að bregðast strax við. Ólöf greindist með krabbamein sumarið 2014 og hafði áður farið í lyfjameðferð vegna veikinda sinna.