Skór af sömu tegund og í sama lit og Birna var í fundust við Hafnarfjarðarhöfn Kolbeinn Tumi Daðason skrifar 17. janúar 2017 02:33 Lögregla og björgunarsvetiri ætla að leita af sér allan grun í Hafnarfjarðarhöfn þar sem skórinn fannst. Vísir/Vilhelm Dr. Martens-skór sem fundust við Hafnarfjarðarhöfn kvöld svipar mjög til þeirra sem Birna Brjánsdóttir klæddist þegar hún hvarf snemma morguns á laugardag. Ekki er þó hægt að fullyrða að skórnir séu af Birnu.Hafnfirðingur fann skóna við Hafnarfjarðarhöfn um klukkan ellefu í kvöld og gerði lögreglu viðvart. Ágúst Svansson, aðalvarðstjóri hjá lögreglunni á höfuðborgarsvæðinu, staðfestir fundinn í samtali við Vísi. Skórnir eru svartir, líkt og þeir sem Birna klæddist, og leitað verði aðstoðar ættingja til að komast að því hvort um skó Birnu sé að ræða. Að neðan má sjá viðtal við Ágúst sem tekið var á fjórða tímanum í kvöld. Snjór var undir skónum sem fundust en þrír sólarhringar tæpir eru liðnir síðan Birna hvarf. Frá leitinni í Hafnarfjarðarhöfn í kvöld.Vísir/VilhelmUmfangsmikil lögregluaðgerð er nú í Hafnarfjarðarhöfn þar sem kafarar úr sérsveit lögreglu eru mættir og siglt er um höfnina í gúmmíbát. Þá er sporleitarhundurinn Perla á svæðinu. Lokað hefur verið fyrir almenna umferð um höfnina.Að neðan má sjá myndband frá leitaraðgerðum lögreglu í höfninni.Ágúst segir ekki þorandi annað en að leita, leita af sér allan grun. Skórinn sé vísbending sem lögreglan ætli að fylgja eftir. Aðgerðum verði framhaldið í Hafnarfjarðarhöfn þangað til frekari vísbendingar finnist.Lögreglan notar tvo dróna við leitina að Birnu. Að neðan má sjá myndband frá þvi þegar verið var að gera bátinn tilbúin fyrir leitina í Hafnarfjarðarhöfn.Saknað í þrjá sólarhringa Birna hefur nú verið týnd í tæpa þrjá sólarhringa. Hún yfirgaf skemmtistaðinn Húrra klukkan fimm að morgni laugardags og sást síðast á eftirlitsmyndavél við Laugaveg 31 klukkan 05:25. iPhone sími Birnu tengdist símamastrinu á gömlu slökkvistöðinni í Hafnarfirði klukkan 05:50 en þá var slökkt á honum. Fram kom á blaðamannafundi lögreglunnar í dag að slökkt hefði verið á honum. Hann varð ekki rafmagnslaus. Þá birti lögregla myndband með myndefni úr eftirlitsmyndavélum í miðborg Reykjavíkur þar sem sjá mátti Birnu ganga Austurstrætið, upp Bankastræti og svo Laugaveg.Myndbandið má sjá að neðan.Frekar í bíl á HverfisgötuTengsl síma Birnu Brjánsdóttur við símamöstrin í miðbænum benda til þess að hún hafi ekki farið inn í bíl á Laugavegi heldur frekar á Hverfisgötu. Mikil leit stendur yfir að rauðum Kia Rio fólksbíl en það hvernig síminn tengist símamöstrum miðbæjarins bendir til þess að sími Birnu hafi ferðast í öfuga átt við bílinn. Lögreglan hefur birt myndband af Birnu þar sem hún gengur upp Laugaveg í miðbæ Reykjavíkur. Í lok myndbandsins, þegar Birna er stödd við Klapparstíg, er sími hennar tengdur við símamastur í húsnæði Máls og menningar við Laugaveg. Skömmu síðar tengist sími Birnu símamastri við Lindargötu, sem getur bent til þess að Birna beygi niður af Laugavegi og á Hverfisgötu. Ekki löngu síðar tengist síminn símamastri á gamla Landsbankahúsinu á horni Barónsstígs og Laugavegar. Þremur til fjórum mínútum síðar tengist sími Birnu símamastri við Listaháskólann á horni Sæbrautar og Laugarnesvegar, en talið er fullvíst að þegar þangað sé komið, frá því að síminn tengist við Barónsstíg, sé sími Birnu kominn í ökutæki á ferð. Rúmum tuttugu mínútum síðar er slökkt á símanum handvirkt þegar hann tengist símamastri á gömlu slökkvistöðinni við Flatahraun í Hafnarfirði.Mikilvægar upplýsingar um hvarf Birnu er að finna í fjarskiptagögnum.Minna eftirlit á Hverfisgötu Samkvæmt upplýsingum frá lögreglu er mun minna myndavélaeftirlit á Hverfisgötu en á Laugavegi. Samkvæmt ofangreindum upplýsingum kemur sterklega til greina, að mati lögreglu, að myndavél við Laugaveg 31, sem kviknar á við hreyfingu, hafi ekki numið hæga hreyfingu Birnu og hún gengið niður eftir Vatnsstíg. Rauði bíllinn sem lögreglan leitar nú, í þeirri von að ökumaður bílsins reynist mikilvægt vitni, sést í myndavél keyra í öfuga átt við Birnu. Akstur hans kveikir á myndavél við Laugaveg 31 hjá Kirkjuhúsinu og verkfæraverslunina Brynju. Fimmtán til sextán sekúndum síðar sést sami bíll á næsta horni aka yfir gatnamót Laugavegar og Klapparstígs. Myndavélar lögreglu missa sjónar á bílnum við Ingólfsstræti en tímaramminn og tenging símans gerir það að verkum að lögreglu finnst afar ólíklegt að Birna hafi farið upp í bílinn. Þó er það ekki útilokað.Birna Brjánsdóttir.Ekki að velja þetta sjálfSigurlaug Hreinsdóttir, móðir Birnu, sagðist í viðtali við fréttamenn í dag hafa orðið fyrir vonbrigðum að ekki hafi verið leitað að Birnu síðastliðna nótt.„Það er svolítið skýrt að hún er í hættu. Hún er ekki að velja þetta sjálf að hverfa. Af því þetta er þannig stelpa,“ sagði Sigurlaug. „Hún er ekki á flótta undan einhverju og hefur ekki verið í efnum. Það er einhvers staðar verið að halda henni. Hún er ekki sjálfviljug einhvers staðar.“Viðtalið má sjá hér að neðan. Uppfært klukkan 02:55Ágúst Svansson, aðalvarðstjóri hjá lögreglunni, staðfestir að svart skópar hafi fundist við Hafnarfjarðarhöfn af tegundinni Dr. Martens, ekki aðeins einn skór. Að neðan má sjá myndir sem Vilhelm Gunnarsson, ljósmyndari Fréttablaðsins og Vísis, tók við leitina í Hafnarfjarðarhöfn í kvöld.Vilhelm GunnarssonVilhelm GunnarssonVilhelm GunnarssonVilhelm GunnarssonVilhelm GunnarssonVilhelm GunnarssonVilhelm GunnarssonVilhelm GunnarssonVilhelm GunnarssonVilhelm Gunnarsson Birna Brjánsdóttir Mest lesið Árásarmaðurinn ölvaður Íslendingur Innlent Ráðist á rútubílstjóra og vegfarendur yfirbuguðu árásarmanninn Innlent Hættu leit eftir þrjá tíma að þeim sem féll útbyrðis úr Norrænu Erlent Formaður og gjaldkeri Vorstjörnunnar kærð fyrir efnahagsbrot Innlent „Samfélagsleg ábyrgð þessa fyrirtækis virðist ekki vera nein“ Innlent Mikil reiði á Þingeyri vegna flutnings fóðurstöðvar Arctic Fish Innlent Sæta lögreglurannsókn vegna níðsöngva um ísraelska herinn Erlent Íranir geti aftur byrjað að auðga úran eftir nokkra mánuði Erlent Ný kirkjuhandbók og kaldar kveðjur til ferðaþjónustunnar Innlent „Langflestir Grindvíkingar búa utan Grindavíkurbæjar“ Innlent Fleiri fréttir Skýrslutökum írsku lögreglunnar lokið Veðurstofan nýtir ofurtölvu til að herma eftir hraunflæði „Samfélagsleg ábyrgð þessa fyrirtækis virðist ekki vera nein“ Óhress innviðaráðherra, öryggis- og varnarmál og ofurtölva Árásarmaðurinn ölvaður Íslendingur Ný kirkjuhandbók og kaldar kveðjur til ferðaþjónustunnar Ráðist á rútubílstjóra og vegfarendur yfirbuguðu árásarmanninn „Langflestir Grindvíkingar búa utan Grindavíkurbæjar“ Formaður og gjaldkeri Vorstjörnunnar kærð fyrir efnahagsbrot Mikil reiði á Þingeyri vegna flutnings fóðurstöðvar Arctic Fish Ráðherra vill tryggja betra eftirlit með Sjúkratryggingum Íslands Segir tölurnar sláandi og vill bregðast við „Ég vorkenni því fólki sem lét narra sig í þessa vegferð“ Sósíalistar deila um peninga og metþátttaka í ólöglegri baráttugöngu Kostnaður vegna kynja- og jafnréttismála sextán milljónir Svifvængjaflugslys við Reynisfjall Handtóku ökumann eftir eftirför á Sæbraut Vonar að Rauði krossinn endurskoði afstöðu sína Segir ásakanir kjaftæði og íhugar meiðyrðamál „Þurfum að huga að forvörnum“ Átök í Sósíalistaflokknum, þinglokaviðræður og síðasti dagur Litlu kaffistofunnar Veiðigjöld ekki á dagskrá þingfundar í dag Gripinn við innbrot og bíl ekið inn í búð Greindi þátt almennings og fjölmiðla í máli „strokufangans“ Mikill viðbúnaður vegna eftirfarar á Sæbraut Sagður hafa tæmt sjóði flokksins og rekur nýja stjórn úr húsnæðinu Halla forseti blandar sér í götuljósaumræðuna Reiða fram rúma milljón fyrir Jakub Tilraun langtímakjarasamninga hafi mistekist Málið rannsakað sem tilraun til manndráps Sjá meira
Dr. Martens-skór sem fundust við Hafnarfjarðarhöfn kvöld svipar mjög til þeirra sem Birna Brjánsdóttir klæddist þegar hún hvarf snemma morguns á laugardag. Ekki er þó hægt að fullyrða að skórnir séu af Birnu.Hafnfirðingur fann skóna við Hafnarfjarðarhöfn um klukkan ellefu í kvöld og gerði lögreglu viðvart. Ágúst Svansson, aðalvarðstjóri hjá lögreglunni á höfuðborgarsvæðinu, staðfestir fundinn í samtali við Vísi. Skórnir eru svartir, líkt og þeir sem Birna klæddist, og leitað verði aðstoðar ættingja til að komast að því hvort um skó Birnu sé að ræða. Að neðan má sjá viðtal við Ágúst sem tekið var á fjórða tímanum í kvöld. Snjór var undir skónum sem fundust en þrír sólarhringar tæpir eru liðnir síðan Birna hvarf. Frá leitinni í Hafnarfjarðarhöfn í kvöld.Vísir/VilhelmUmfangsmikil lögregluaðgerð er nú í Hafnarfjarðarhöfn þar sem kafarar úr sérsveit lögreglu eru mættir og siglt er um höfnina í gúmmíbát. Þá er sporleitarhundurinn Perla á svæðinu. Lokað hefur verið fyrir almenna umferð um höfnina.Að neðan má sjá myndband frá leitaraðgerðum lögreglu í höfninni.Ágúst segir ekki þorandi annað en að leita, leita af sér allan grun. Skórinn sé vísbending sem lögreglan ætli að fylgja eftir. Aðgerðum verði framhaldið í Hafnarfjarðarhöfn þangað til frekari vísbendingar finnist.Lögreglan notar tvo dróna við leitina að Birnu. Að neðan má sjá myndband frá þvi þegar verið var að gera bátinn tilbúin fyrir leitina í Hafnarfjarðarhöfn.Saknað í þrjá sólarhringa Birna hefur nú verið týnd í tæpa þrjá sólarhringa. Hún yfirgaf skemmtistaðinn Húrra klukkan fimm að morgni laugardags og sást síðast á eftirlitsmyndavél við Laugaveg 31 klukkan 05:25. iPhone sími Birnu tengdist símamastrinu á gömlu slökkvistöðinni í Hafnarfirði klukkan 05:50 en þá var slökkt á honum. Fram kom á blaðamannafundi lögreglunnar í dag að slökkt hefði verið á honum. Hann varð ekki rafmagnslaus. Þá birti lögregla myndband með myndefni úr eftirlitsmyndavélum í miðborg Reykjavíkur þar sem sjá mátti Birnu ganga Austurstrætið, upp Bankastræti og svo Laugaveg.Myndbandið má sjá að neðan.Frekar í bíl á HverfisgötuTengsl síma Birnu Brjánsdóttur við símamöstrin í miðbænum benda til þess að hún hafi ekki farið inn í bíl á Laugavegi heldur frekar á Hverfisgötu. Mikil leit stendur yfir að rauðum Kia Rio fólksbíl en það hvernig síminn tengist símamöstrum miðbæjarins bendir til þess að sími Birnu hafi ferðast í öfuga átt við bílinn. Lögreglan hefur birt myndband af Birnu þar sem hún gengur upp Laugaveg í miðbæ Reykjavíkur. Í lok myndbandsins, þegar Birna er stödd við Klapparstíg, er sími hennar tengdur við símamastur í húsnæði Máls og menningar við Laugaveg. Skömmu síðar tengist sími Birnu símamastri við Lindargötu, sem getur bent til þess að Birna beygi niður af Laugavegi og á Hverfisgötu. Ekki löngu síðar tengist síminn símamastri á gamla Landsbankahúsinu á horni Barónsstígs og Laugavegar. Þremur til fjórum mínútum síðar tengist sími Birnu símamastri við Listaháskólann á horni Sæbrautar og Laugarnesvegar, en talið er fullvíst að þegar þangað sé komið, frá því að síminn tengist við Barónsstíg, sé sími Birnu kominn í ökutæki á ferð. Rúmum tuttugu mínútum síðar er slökkt á símanum handvirkt þegar hann tengist símamastri á gömlu slökkvistöðinni við Flatahraun í Hafnarfirði.Mikilvægar upplýsingar um hvarf Birnu er að finna í fjarskiptagögnum.Minna eftirlit á Hverfisgötu Samkvæmt upplýsingum frá lögreglu er mun minna myndavélaeftirlit á Hverfisgötu en á Laugavegi. Samkvæmt ofangreindum upplýsingum kemur sterklega til greina, að mati lögreglu, að myndavél við Laugaveg 31, sem kviknar á við hreyfingu, hafi ekki numið hæga hreyfingu Birnu og hún gengið niður eftir Vatnsstíg. Rauði bíllinn sem lögreglan leitar nú, í þeirri von að ökumaður bílsins reynist mikilvægt vitni, sést í myndavél keyra í öfuga átt við Birnu. Akstur hans kveikir á myndavél við Laugaveg 31 hjá Kirkjuhúsinu og verkfæraverslunina Brynju. Fimmtán til sextán sekúndum síðar sést sami bíll á næsta horni aka yfir gatnamót Laugavegar og Klapparstígs. Myndavélar lögreglu missa sjónar á bílnum við Ingólfsstræti en tímaramminn og tenging símans gerir það að verkum að lögreglu finnst afar ólíklegt að Birna hafi farið upp í bílinn. Þó er það ekki útilokað.Birna Brjánsdóttir.Ekki að velja þetta sjálfSigurlaug Hreinsdóttir, móðir Birnu, sagðist í viðtali við fréttamenn í dag hafa orðið fyrir vonbrigðum að ekki hafi verið leitað að Birnu síðastliðna nótt.„Það er svolítið skýrt að hún er í hættu. Hún er ekki að velja þetta sjálf að hverfa. Af því þetta er þannig stelpa,“ sagði Sigurlaug. „Hún er ekki á flótta undan einhverju og hefur ekki verið í efnum. Það er einhvers staðar verið að halda henni. Hún er ekki sjálfviljug einhvers staðar.“Viðtalið má sjá hér að neðan. Uppfært klukkan 02:55Ágúst Svansson, aðalvarðstjóri hjá lögreglunni, staðfestir að svart skópar hafi fundist við Hafnarfjarðarhöfn af tegundinni Dr. Martens, ekki aðeins einn skór. Að neðan má sjá myndir sem Vilhelm Gunnarsson, ljósmyndari Fréttablaðsins og Vísis, tók við leitina í Hafnarfjarðarhöfn í kvöld.Vilhelm GunnarssonVilhelm GunnarssonVilhelm GunnarssonVilhelm GunnarssonVilhelm GunnarssonVilhelm GunnarssonVilhelm GunnarssonVilhelm GunnarssonVilhelm GunnarssonVilhelm Gunnarsson
Birna Brjánsdóttir Mest lesið Árásarmaðurinn ölvaður Íslendingur Innlent Ráðist á rútubílstjóra og vegfarendur yfirbuguðu árásarmanninn Innlent Hættu leit eftir þrjá tíma að þeim sem féll útbyrðis úr Norrænu Erlent Formaður og gjaldkeri Vorstjörnunnar kærð fyrir efnahagsbrot Innlent „Samfélagsleg ábyrgð þessa fyrirtækis virðist ekki vera nein“ Innlent Mikil reiði á Þingeyri vegna flutnings fóðurstöðvar Arctic Fish Innlent Sæta lögreglurannsókn vegna níðsöngva um ísraelska herinn Erlent Íranir geti aftur byrjað að auðga úran eftir nokkra mánuði Erlent Ný kirkjuhandbók og kaldar kveðjur til ferðaþjónustunnar Innlent „Langflestir Grindvíkingar búa utan Grindavíkurbæjar“ Innlent Fleiri fréttir Skýrslutökum írsku lögreglunnar lokið Veðurstofan nýtir ofurtölvu til að herma eftir hraunflæði „Samfélagsleg ábyrgð þessa fyrirtækis virðist ekki vera nein“ Óhress innviðaráðherra, öryggis- og varnarmál og ofurtölva Árásarmaðurinn ölvaður Íslendingur Ný kirkjuhandbók og kaldar kveðjur til ferðaþjónustunnar Ráðist á rútubílstjóra og vegfarendur yfirbuguðu árásarmanninn „Langflestir Grindvíkingar búa utan Grindavíkurbæjar“ Formaður og gjaldkeri Vorstjörnunnar kærð fyrir efnahagsbrot Mikil reiði á Þingeyri vegna flutnings fóðurstöðvar Arctic Fish Ráðherra vill tryggja betra eftirlit með Sjúkratryggingum Íslands Segir tölurnar sláandi og vill bregðast við „Ég vorkenni því fólki sem lét narra sig í þessa vegferð“ Sósíalistar deila um peninga og metþátttaka í ólöglegri baráttugöngu Kostnaður vegna kynja- og jafnréttismála sextán milljónir Svifvængjaflugslys við Reynisfjall Handtóku ökumann eftir eftirför á Sæbraut Vonar að Rauði krossinn endurskoði afstöðu sína Segir ásakanir kjaftæði og íhugar meiðyrðamál „Þurfum að huga að forvörnum“ Átök í Sósíalistaflokknum, þinglokaviðræður og síðasti dagur Litlu kaffistofunnar Veiðigjöld ekki á dagskrá þingfundar í dag Gripinn við innbrot og bíl ekið inn í búð Greindi þátt almennings og fjölmiðla í máli „strokufangans“ Mikill viðbúnaður vegna eftirfarar á Sæbraut Sagður hafa tæmt sjóði flokksins og rekur nýja stjórn úr húsnæðinu Halla forseti blandar sér í götuljósaumræðuna Reiða fram rúma milljón fyrir Jakub Tilraun langtímakjarasamninga hafi mistekist Málið rannsakað sem tilraun til manndráps Sjá meira