Skipverjinn leiddur fyrir dómara

Karlmaður sem grunaður er um að hafa ráðið Birnu Brjánsdóttur bana fyrir rúmum hálfum mánuði var leiddur fyrir dómara í Héraðsdómi Reykjaness á öðrum tímanum í dag þar sem krafist verður áframhaldandi gæsluvarðhalds yfir honum.

Lögregla hyggst fara fram á tveggja vikna gæsluvarðhald og að hann sæti enn einangrun, en fyrri gæsluvarðhaldsúrskurður, sem var til tveggja vikna, rennur út klukkan 16 í dag.

Ekki verður farið fram á gæsluvarðhald, né farbann, yfir hinum manninum sem grunaður er um aðild að máli Birnu.