Donald Trump Bandaríkjaforseti mun á næstunni kynna nýja tilskipun um ferðabann, eftir að dómstólar felldu þá fyrri úr gildi fyrr í mánuðinum.
AP segir að í drögum að nýrri tilskipun beinist bannið að ríkisborgurum sömu sjö ríkja, þó að nokkrar breytingar hafi verið gerðar.
Fyrri ferðabannstilskipun Trump olli mikilli ringulreið á flugvöllum víða um heim. Ríkisborgurum sjö ríkja – Írans, Íraks, Líbíu, Sómalíu, Súdan, Sýrlands og Jemen – var þá neitað um komu til Bandaríkjanna, þrátt fyrir að búa yfir gildri vegabréfsáritun.
Allt frá því að dómstólar dæmdu að tilskipunin stæðist ekki bandarísk lög, hefur Trump verið skýr í þeirri afstöðu sinni að málinu væri ekki lokið.
Samkvæmt heimildum AP hafa þær breytingar nú gerðar að bannið muni ekki beinast gegn þeim sem hafa þegar fengið vegabréfsáritun samþykkta og þeim sem búa yfir tvöföldum ríkisborgararétti.
Þá eiga fulltrúar bandarískra yfirvalda ekki að beina sjónum sínum sérstaklega að og hafna umsóknum sýrlensks flóttafólks.
AP: Nýtt ferðabann Trump mun beinast gegn ríkisborgurum sömu sjö ríkja og hið fyrra
Tengdar fréttir
Trump hneykslaður á umfjöllun dómstóla um ferðabannið og segir þá „svo pólítíska“
Donald Trump, forseti Bandaríkjanna, er hneykslaður á þeim tíma sem áfrýjunardómstóllinn í San Francisco í Bandaríkjunum hefur tekið sér til þess að fjalla um umdeilt ferðabann forsetans.
Ekki sannfærðir um að ferðabann hafi verið ólöglegt
Dómarar við áfrýjunardómstólinn í San Francisco í Bandaríkjunum íhuga nú hvort ferðabann til Bandaríkjanna sem Donald Trump forseti setti á íbúa sjö ríkja á dögunum standist lög.
Vill nýja tilskipun um ferðabann
Donald Trump Bandaríkjaforseti íhugar nú aðra tilskipun sem meini íbúum ákveðinna landa að ferðast til Bandaríkjanna.
