Keppt um Grettisbeltið og Freyjumenið í dag

Íslandsglíman fer í dag í Íþróttahúsi Iðu á Selfossi en hefst keppnin klukkan 13.00. Þarna mun besta glímufólk landsins keppa um hin eftirsóttu verðlaun sem eru Grettisbeltið og Freyjumenið.

Konurnar eru fjölmennari í ár. Fimm karlar og níu konur munu keppa um hin eftirsóttu verðlaun og þar með nafnbótina „Glímukóngur“ og „Glímudrottning“ Íslands.

Fyrsta Íslandsglíman fór fram árið 1906 og er keppnin því orðin 111 ára gömul. Grettisbeltið er einn merkasti og sögufrægasti gripur í gjörvallri íþróttasögu Íslands og einnig sá elsti. Hefur það verið farandgripur allt frá upphafi og vinnst aldrei til eignar.

Fimm keppa um Grettisbeltið en það eru þeir Jón Gunnþór Þorsteinsson, Ásmundur Hálfdán Ásmundsson, Einar Eyþórsson, Hjörtur Elí Steindórsson og Pétur Þórir Gunnarsson. Ásmundur Hálfdán vann Grettisbeltið í fyrsta sinn í fyrra en Pétur Þórir var þá í öðru sæti.

Fyrsta glímukeppnin um Freyjumenið fór fram árið 2000 og er því keppt um það í átjánda skiptið í ár.

 

Níu keppa um að hljóta Freyjumenið 2017 en það eru þær Margrét Rún Rúnarsdóttir, Nikólína Bóel Ólafsdóttir, Marín Laufey Davíðsdóttir, Bylgja Rún Ólafsdóttir, Jana Lind Ellertsdóttir, Eva Dögg Jóhannsdóttir, Kristín Embla Guðjónsdóttir, Fanney Ösp Guðjónsdóttir og Marta Lovísa Kjartansdóttir.  

Marín Laufey Davíðsdóttir vann Íslandsglímuna í fyrra og hlaut þar með Freyjumenið í fjórða sinn en Margrét Rún varð í öðru sæti.

Röðun viðureigna samkvæmt heimasíðu Glímusambands Íslands:  

Karlar:

    Jón-Ásmundur

    Einar-Hjörtur

    Pétur-Jón

    Ásmundur-Einar

    Hjörtur-Pétur

    Jón-Einar

    Ásmundur-Hjörtur

    Pétur-Einar

    Jón-Hjörtur

    Ásmundur-Pétur

Konur:

    Margrét-Nikólína

    Marín-Bylgja

    Jana-Eva

    Kristín-Fanney

    Marta-Margrét

    Nikólína-Marín

    Bylgja-Jana

    Eva-Kristín

    Fanney-Marta

    Margrét-Marín

    Nikólína-Bylgja

    Jana-Kristín

    Eva-Fanney

    Marta-Marín

    Margrét-Bylgja

    Nikólína-Kristín

    Jana-Fanney

    Eva-Marta

    Marín-Kristín

    Margrét-Jana

    Bylgja-Fanney

    Nikólína-Eva

    Marta-Kristín

    Marín-Jana

    Margrét-Fanney

    Bylgja-Eva

    Nikólína-Marta

    Kristín-Margrét

    Marín-Fanney

    Jana-Nikólína

    Bylgja-Marta

    Eva-Margrét

    Nikólína-Fanney

    Kristín-Bylgja

    Jana-Marta

    Eva-Marín