Simpsons gera stólpagrín að fyrstu hundrað dögum Trump

Framleiðendur þáttanna um Simpsons fjölskylduna eru ekkert að halda aftur af sér í gagnrýni sinni á Donald Trump, forseta Bandaríkjanna. Þeir hafa birt myndband þar sem hann fer yfir sína fyrstu daga og helstu verk sín á þeim tíma.

Myndbandið byrjar á frekar grimmilegan hátt og færist svo yfir í þar sem Trump liggur upp í rúmi telur hann upp sín helstu afrek. Þau eru að lækka forgjöfina sína, fjölga fylgjendum sínum á Twitter og gert leyfilegt að skjóta birni í dvala.

Þá er Marge Simpson búin með þunglyndislyf sem áttu að endast henni í fjögur ár og bent á að einungis 6,8 prósent af kjörtímabili Trump séu búin.