Icelandair og JetBlue í frekara samstarf

Icelandair og bandaríska flugfélagið JetBlue tilkyntu í dag að félögin hefðu samið um samstarf sín á milli varðandi punktasöfnun.

Samstarfið felur það í sér að félagar í Icelandair Saga Club geta nú safnað Vildarpunktum og Kortastigum á öllum flugleiðum JetBlue og á sama hátt geta félagar í TrueBlue fríðindaklúbbi JetBlue safnað punktum á öllum flugleiðum Icelandair. Icelandair fagnar samstarfinu með JetBlue með tvöföldum Vildarpunktum ef félagar fljúga fyrir 7. júlí.

„Í dag eru fimm ár síðan Icelandair og JetBlue tóku fyrstu skrefin í samstarfi sem síðan hefur styrkst ár frá ári“, segir Jamie Perry, framkvæmdastjóri markaðsmála JetBlue, í tilkynningu „Samkomulagið sem við kynnum nú er spennandi viðbót fyrir viðskiptavini beggja flugfélaga“.

 

„Samkomulagið við JetBlue gefur farþegum beggja flugfélaga tækifæri til þess að safna fleiri punktum en áður. Við fögnum því að geta boðið farþegum Icelandair nýja möguleika um leið og við bjóðum fjölmarga viðskiptavini JetBlue velkomna til okkar,“ er haft eftir Guðmundi Óskarssyni, framkvæmdastjóri sölu- og markaðssviðs Icelandair, í tilkynningu.

 

Undanfarin fimm ár hafa JetBlue og Icelandair átt samstarf um gagnkvæma farseðlaútgáfu á flugleiðum og með samkenndum (codeshare) flugum.