Semja á ný vegna Brexit

Væntanleg útganga Breta úr Evrópusambandinu, það er Brexit, getur haft áhrif á samninga sem Grænland og Færeyjar hafa gert við Bretland, einkum í sjávarútvegsmálum. Þetta viðurkenna bæði utanríkisráðherra Danmerkur, Anders Samuelsen, og Lars Løkke Rasmussen forsætisráðherra.

Á vef grænlenska útvarpsins segir að unnið sé að því í samvinnu við Grænland og Færeyjar að tryggja hagsmuni ríkjasambandsins við gerð nýrra samninga milli danska ríkisins og Bretlands.