Fékk tveggja leikja bann fyrir ummæli á Instagram

Andre-Villas Boas, stjóri kínverska liðsins Shanghai SIPG, og brasilíski framherjinn Hulk voru báðir settir í tveggja leikja bann af kínverska knattspyrnusambandinu fyrir að tjá sig um keppnisbann Brasilíumannsins Oscar.

Hulk og Oscar eru báðir á mála hjá Shanghai SIPG sem greiddi himinháar upphæðir fyrir kappana. Það er hins vegar lítil þolinmæði fyrir mótmælum þeirra hjá forráðamönnum deildarinnar.

Sjá einnig: Oscar kom slagsmálum af stað í Kína | Myndband

Sjá einnig: Oscar í átta leikja bann fyrir að stofna til slagsmála

Oscar var dæmdur í átta leikja bann fyrir að stofna til slagsmála í leik liðsins gegn Guangzhou R&F. Honum var ekki refsað í leiknum sjálfum en eftir á af deildinni.

Villas-Boas lýsti óánægju sinni með bannið á Instagram-síðu sinni sem má sjá hér fyrir neðan.

 

355 career games; 5 years in the English Premier League; 47 appearances for Brazil; 70 goals. ZERO RED CARDS!!! 8 games suspended

A post shared by André Villas Boas (@officialavb) on Jun 23, 2017 at 2:30am PDT

Ummælin voru sögð ábyrgðarlaus en Hulk, sem og annar leikmaður Shanghai, fengu tveggja leikja bann fyrir að klæðast bol með áletrun sem túlkuð var sem stuðningsyfirlýsing við Oscar.

Leikmennirnir voru þar að auki sektaðir sem og félagið vegna málsins.