Dregið í riðla í Meistaradeildinni í dag | Svona líta styrkleikaflokkarnir út

Dregið verður í riðla í Meistaradeild Evrópu í dag. Drátturinn fer fram í Mónakó og hefst klukkan 16:00 að íslenskum tíma. Fylgst verður með drættinum í beinni textalýsingu á Vísi.

Búið er að raða liðunum 32 í fjóra styrkleikaflokka. Eins og venjulega er leikið í átta fjögurra liða riðlum og komast tvö efstu liðin áfram í 16-liða úrslit.

Að þessu sinni eru fimm ensk lið í pottinum; Chelsea, Tottenham, Manchester United og City og Liverpool. Chelsea er í fyrsta styrkleikaflokki, Manchester-liðin í öðrum og Tottenham og Liverpool í þriðja.

Aðeins tvö af liðunum 32 eru nýliðar í riðlakeppni Meistaradeildarinnar; Qarabag frá Kasakstan og RB Leipzig frá Þýskalandi.

Lið frá sama landi geta ekki dregist sama í riðil. Þá geta lið frá Rússlandi og Úkraínu heldur ekki dregist saman.

Úrslitaleikurinn fer fram á Ólympíuleikvanginum í Kænugarði 26. maí 2018.

Styrkleikaflokkarnir fyrir riðlakeppni Meistaradeildarinnar:

Flokkur 1:

Real Madrid, Bayern München, Chelsea, Juventus, Benfica, Monaco, Spartak Moskva, Shakhtar Donetsk

Flokkur 2:

Barcelona, Atlético Madrid, Paris Saint-Germain, Borussia Dortmund, Sevilla, Manchester City, Porto, Manchester United

Flokkur 3:

Napoli, Tottenham, Basel, Olympiacos, Anderlecht, Liverpool, Roma, Besiktas

Flokkur 4:

Celtic, CSKA Moskva, Sporting, APOEL, Feyenoord, Maribor, Qarabag, RB Leipzig

Leikdagar í riðlakeppninni:

12.-13. september: leikdagur 1

26-.27. september: leikdagur 2

17.-18. október: leikdagur 3

31. október-1. nóvember: leikdagur 4

21.-22. nóvember: leikdagur 5

5.-6. desember: leikdagur 6