Slapp með skrámur eftir árekstur

Miðjumaður Chelsea, Tiemoue Bakayoko, er greinilega enn að venjast því að keyra á Englandi því hann lenti í árekstri í dag.

Hann var þá á leið heim af æfingu og gekk aksturinn ekki nægilega vel. Miðjumaðurinn slapp með skrámur en það sér meira á glæsikerru hans.

Bakayoko ætti því að geta spilað með Chelsea um helgina gegn Stoke City. Hann fer þó örugglega hægar á götunum næstu misserin.

Hinn 23 ára gamli Bakayoko kom til Chelsea í sumar frá Monaco og kostaði félagið 40 milljónir punda.