Daði búinn að semja við Gróttu

Grótta fékk liðsstyrk í Olís-deild karla í kvöld er Daði Laxdal Gautason samdi við liðið.

Vísir greindi frá því í gær að Daði væri á leið í heimahagana og í kvöld voru þau tíðindi staðfest.

Daði lék seinast með Gróttu tímabilið 2015-2016 þegar hann skoraði 93 mörk fyrir Gróttu þegar liðið endaði í fimmta sæti Olís-deildarinnar og komst í bikarúrslit.

Eftir það tímabil fór Daði til Kolstad í Noregi en hefur nú ákveðið að halda heim á leið.

Gróttu veitir ekki að liðsstyrknum enda er liðið án stiga í neðsta sæti deildarinnar.